നിവിന്‍ പോളിയെ നായകനാക്കി ഹനീഫ് അദേനി തിരക്കഥയും സംവിധാനവും നിര്‍വഹിക്കുന്ന ചിത്രത്തിന്റെ ടൈറ്റില്‍ പുറത്തിറങ്ങി. ‘രാമചന്ദ്രബോസ് & കോ’ എന്നാണ് പേരിട്ടിരിക്കുന്നത്. എ പ്രവാസി ഹൈസ്റ്റ് എന്ന ടാഗ് ലൈനാണ് ചിത്രത്തിന് നല്‍കിയിരിക്കുന്നത്. മോഷണത്തിന്റെ കഥ പറയുന്ന ചിത്രമെന്നാണ് സൂചന.
ഈ വര്‍ഷം ജനുവരി 20 ന് യുഎഇയിലാണ് സിനിമയുടെ ഷൂട്ടിംഗിന് തുടക്കം കുറിച്ചത്. തുടര്‍ന്നുള്ള ഭാഗങ്ങള്‍ കേരളത്തിലാണ് ഷൂട്ട് ചെയ്തത്. മാജിക് ഫ്രെയിംസും പോളി ജൂനിയര്‍ പിക്‌ചേഴ്സും ചേര്‍ന്നാണ് ‘രാമചന്ദ്ര ബോസ് ആന്‍ഡ് കോ’
നിര്‍മ്മിച്ചിരിക്കുന്നത്.
നിവിന്‍ പോളിക്കൊപ്പം ജാഫര്‍ ഇടുക്കി, വിനയ് ഫോര്‍ട്ട്, വിജിലേഷ്, മമിത ബൈജു, ആര്‍ഷ ബൈജു തുടങ്ങിയവരും അഭിനയിക്കുന്നുണ്ട്.
Recent Comments