2019 ല്‍ ധ്യാന്‍ ശ്രീനിവാസന്‍ രചിച്ചു സംവിധാനം ചെയ്ത സൂപ്പര്‍ ഹിറ്റ് ചിത്രമായ ലവ് ആക്ഷന്‍ ഡ്രാമയിലൂടെയാണ് നിവിന്‍ പോളിയും നയന്‍താരയും ആദ്യമായി ഒന്നിച്ചത്. ഇപ്പോഴിതാ ഈ സൂപ്പര്‍ ഹിറ്റ് കൂട്ടുകെട്ട് വീണ്ടും ഒന്നിക്കുന്ന ചിത്രം വരികയാണ്. ജോര്‍ജ് ഫിലിപ്പ് റോയ്, സന്ദീപ് കുമാര്‍ എന്നിവര്‍ ചേര്‍ന്ന് രചിച്ചു സംവിധാനം ചെയ്യുന്ന ‘ഡിയര്‍ സ്റ്റുഡന്റസ്’ എന്ന ചിത്രത്തിലൂടെയാണ് ഇവര്‍ വീണ്ടും ഒരുമിക്കുന്നത്. ഇരുവരും പ്രത്യക്ഷപ്പെടുന്ന പുത്തന്‍ പോസ്റ്റര്‍ പങ്കു വെച്ച് കൊണ്ട് ന്യൂ ഇയര്‍ ആശംസകളുമായി എത്തിയിരിക്കുകയാണ് ഡിയര്‍ സ്റ്റുഡന്റസ് ടീം.
വിനീത് ജയിന്‍ നേതൃത്വം നല്‍കുന്ന മാവെറിക് മൂവീസ് പ്രൈവറ്റ് ലിമിറ്റഡുമായി സഹകരിച്ചു പോളി ജൂനിയര്‍ പിക്ചേഴ്സിന്റെ ബാനറില്‍ നിവിന്‍ പോളി തന്നെയാണ് ചിത്രം നിര്‍മിക്കുന്നതും. ഈ വര്‍ഷം ഡിയര്‍ സ്റ്റുഡന്റസ് പ്രേക്ഷകരുടെ മുന്നിലെത്തും. ഇത് കൂടാതെ ഒരുപിടി വലിയ ചിത്രങ്ങളാണ് നിവിന്‍ പോളി നായകനായി അണിയറയില്‍ ഒരുങ്ങുന്നത്. ഡിജിറ്റല്‍ മാര്‍ക്കറ്റിംഗ് അനൂപ് സുന്ദരന്‍, പിആര്‍ഒ ശബരി.
Recent Comments