ഓം ശാന്തി ഓശാനയ്ക്ക് ശേഷം നിവിന്‍ പോളി-ജൂഡ് ആന്തണി ജോസഫ് കോംബോ വീണ്ടും എത്തുന്നു. ജൂഡിന്റെ ആദ്യചിത്രമായിരുന്നു ഓംശാന്തി ഓശാന. നായകന്‍ നിവിന്‍ പോളിയും. ആദ്യചിത്രം തന്നെ ഗംഭീര വിജയമായിരുന്നു. ജൂഡ് ഏറ്റവും ഒടുവിലായി സംവിധാനം ചെയ്ത 2018 മഹാവിജയങ്ങള്‍ തേടി കുതിക്കുമ്പോള്‍ ഈ കൂട്ടുകെട്ട് പുതിയ അത്ഭുതങ്ങള്‍ സൃഷ്ടിക്കും എന്നുതന്നെ പ്രതീക്ഷിക്കേണ്ടിവരും. ചിത്രത്തെക്കുറിച്ചുള്ള കൂടുതല്‍ വിവരങ്ങള്‍ വൈകാതെ പ്രഖ്യാപിക്കും.
2018 എന്ന ചിത്രത്തില്‍ നിവിന്‍പോളിയുടെ ഒരു മാസ് രംഗം ആദ്യം പ്ലാന്‍ ചെയ്തിരുന്നുവെന്നും പിന്നീട് അത് എടുത്ത് മാറ്റിയെന്നും ജൂഡ് ആന്തണി റിലീസിന് ശേഷമുള്ള അഭിമുഖങ്ങളില്‍ പറഞ്ഞിരുന്നു. അതിന്റെ തുടര്‍ച്ചയല്ലെങ്കിലും ജൂഡ്-നിവിന്‍പോളി ചിത്രവും ഏറെ പ്രതീക്ഷയോടെയാണ് പ്രേക്ഷകര്‍ കാത്തിരിക്കുന്നത്.
Recent Comments