മമ്മൂട്ടിക്കും മോഹന്‍ലാലിനും പിന്നാലെ യുവതാരം ടോവിനോ തോമസിനും യു.എ.ഇ ഗോള്‍ഡന്‍ വിസ ലഭിച്ചിരുന്നു. മറ്റ് യുവ താരങ്ങള്‍ക്കും വൈകാതെ വിസ നല്‍കുമെന്ന് യു.എ.ഇ ഗവണ്മെന്റ് അറിയിച്ചിരുന്നു.
ഇപ്പോഴിതാ താരങ്ങളായ നൈല ഉഷയ്ക്കും അവതാരകന്‍ കൂടിയായ മിഥുന്‍ രമേശിനും ഗോള്‍ഡന്‍ വിസ ലഭിച്ചിരിക്കുകയാണ്. ഇരുവരും തങ്ങളുടെ സോഷ്യല്‍ മീഡിയ അക്കൗണ്ടുകളിലൂടെയാണ് ഗോള്‍ഡന്‍ വിസ ലഭിച്ച കാര്യം അറിയിച്ചത്. യു.എ.ഇയില്‍ സ്ഥിരതാമസക്കാരാണ് ഇരുവരും.
View this post on Instagram
യു.എ.ഇയിലെ എ.ആര്‍.എന്‍ കമ്പനിക്ക് കീഴിലെ എ.ആര്‍.എന്‍ ഹിറ്റ് 96.7 എഫ്.എമ്മില്‍ റേഡിയോ ജോക്കിയായി ജോലി ചെയ്യുകയാണ് നൈല ഉഷ. ഈ അത്ഭുതകരമായ രാജ്യത്ത് നിന്നും ഗോള്‍ഡന്‍ വിസ ലഭിച്ചതിലൂടെ താന്‍ ആദരിക്കപ്പെട്ടതായി നൈല ഉഷ ഇന്‍സ്റ്റാഗ്രാമില്‍ കുറിച്ചു.
View this post on Instagram
യു.എ.ഇയിലെ ഏറ്റവും വലിയ മീഡിയയായ എ.ആര്‍.എനില്‍ പതിനേഴ് വര്‍ഷമായി പ്രവര്‍ത്തിക്കുകയാണ് മിഥുന്‍ രമേശ്. സുന്ദരമായ ഈ രാജ്യത്ത് പതിനേഴു വര്‍ഷമായി താനുണ്ടെന്നും ഗോള്‍ഡന്‍ വിസ ലഭിച്ച ഫോട്ടോ പങ്കുവെച്ച് ഇന്‍സ്റ്റാഗ്രാമില്‍ കുറിച്ചു.
Recent Comments