ആന്റണി വര്‍ഗീസ് നായകനായി എത്തുന്ന ഏറ്റവും പുതിയ ചിത്രം ‘ഓ മേരി ലൈല’ യുടെ ട്രൈലെര്‍ പുറത്തിറങ്ങി.. ഔട്ട് ആന്‍ഡ് ഔട്ട് എന്റര്‍ടൈന്‍മെന്റ് ഉറപ്പ് തരുന്ന ട്രൈലെര്‍ ആണ് പുറത്തുവിട്ടിരിക്കുന്നത്.. ഡിസംബര്‍ 23ന് ക്രിസ്മസ് റിലീസ് ആയി ചിത്രം തീയേറ്ററുകളില്‍ എത്തും.. കരിയറിലെ വ്യത്യസ്ത വേഷത്തില്‍ ആന്റണി വര്‍ഗീസ് എത്തുന്ന ചിത്രം കൂടിയാണിത്.. ലൈലാസുരന്‍ എന്ന കോളേജ് വിദ്യാര്‍ത്ഥിയുടെ വേഷത്തിലാണ് ആന്റണി വര്‍ഗീസ് ചിത്രത്തിലെത്തുന്നത്.
നവാഗതനായ അഭിഷേക് കെ എസ് ആണ് ‘ഓ മേരി ലൈല’ സംവിധാനം ചെയ്യുന്നത്. ആന്റണിയുടെ സഹപാഠി കൂടിയാണ് അഭിഷേക്. അനുരാജ് ഒ ബിയുടേതാണ് തിരക്കഥ. ഡോ. പോള്‍സ് എന്റര്‍ടെയിന്‍മെന്റിന്റെ ബാനറില്‍ ഡോ. പോള്‍ വര്‍ഗീസ് ആണ് നിര്‍മ്മാണം. ഗോകുലം മൂവിസിന്റെ ബാനറില്‍ ശ്രീ ഗോകുലന്‍ ഗോപാലന്‍ ആണ് ചിചിത്രം തീയേറ്ററുകളില്‍ എത്തിക്കുന്നത്.. ഛായാഗ്രഹണം ബബ്ലു അജു, എഡിറ്റിംഗ് കിരണ്‍ ദാസ്, സംഗീതം അങ്കിത് മേനോന്‍, വരികള്‍ ശബരീഷ് വര്‍മ്മ, വിനായക് ശശികുമാര്‍, കലാസംവിധാനം സജി ജോസഫ്, അഭിഷേക് കെ എസും അനുരാജ് ഒ ബിയും ചേര്‍ന്നാണ് ചിത്രത്തിന്റെ കഥ എഴുതിയിരിക്കുന്നത്.
ആന്റണിക്കൊപ്പം സോന ഒലിക്കല്‍, നന്ദന രാജന്‍, ശബരീഷ് വര്‍മ്മ, അല്‍ത്താഫ് സലീം, ബാലചന്ദ്രന്‍ ചുള്ളിക്കാട്, സെന്തില്‍ കൃഷ്ണ, ശിവകാമി, ബ്രിറ്റൊ ഡേവിസ്, ശ്രീജ നായര്‍ തുടങ്ങിയവരും നിരവധി പുതുമുഖങ്ങളും ചിത്രത്തില്‍ അണിനിരക്കുന്നു.
Recent Comments