നടന്‍ ചിയാന്‍ വിക്രമിന്റെ ജന്മദിനമാണ് ഏപ്രില്‍ 17. ജന്മദിന സമ്മാനമായി തങ്കലാന്റെ താരത്തിനായുള്ള ട്രിബ്യൂട്ട് വീഡിയോ പുറത്തിറക്കിയിരിക്കുകയാണ് അണിയറ പ്രവര്‍ത്തകര്‍. ചിത്രത്തിന്റെ മേക്കിംഗ് വീഡിയോയാണ് പുറത്തിറക്കിയിരിക്കുന്നത്. ഇതുവരെയും കാണാത്ത ഗംഭീര മേക്കോവറിലാണ് വിക്രം ചിത്രത്തില്‍ പ്രത്യക്ഷപ്പെടുന്നത്.
ഒരു ഹിസ്റ്റോറിക്കല്‍ ആക്ഷന്‍ ചിത്രമാണ് തങ്കലാന്. ഗോത്ര നേതാവിന്റെ വേഷമാണ് വിക്രമിന്റേത്. പാ രഞ്ജിത്ത് സംവിധാനം ചെയ്യുന്ന ചിത്രത്തില്‍ വിക്രമിന്റെ ബോഡി ടാരന്‍സ്ഫര്‍മേഷന്‍ ശ്രദ്ധേയമാണ്. ലൊക്കേഷനില്‍ പൊള്ളുന്ന ചൂട് അനുഭവപ്പെടുന്ന തരത്തിലാണ് വീഡിയോയിലെ ഓരോ ഫ്രെയിമും കാണുന്നത്.
കോലാര്‍ സ്വര്‍ണ്ണഖനികളുടെ പശ്ചാത്തലത്തില്‍ ഒരുക്കുന്ന തങ്കലാന് ഖനനം മൂലം ദുരിതമനുഭവിക്കുന്ന തദ്ദേശീയ ഗോത്രങ്ങളുടെ പ്രശ്‌നങ്ങളും പോരാട്ടങ്ങളുമാണ് ചിത്രം പറയുന്നത്.
മാളവിക മോഹന്‍, പാര്‍വതി തിരുവോത്ത്, പശുപതി, ഡാനിയല്‍, ഹരികൃഷ്ണന്‍, അന്‍ബുദുരൈ എന്നിവരും ചിത്രത്തില്‍ അഭിനയിക്കുന്നു. ഏപ്രിലില്‍ റിലീസ് തീരുമാനിച്ചിരുന്നെങ്കിലും തെരഞ്ഞെടുപ്പിനെത്തുടര്‍ന്ന് പ്രദര്‍ശനം നീട്ടിവയ്ക്കുകയായിരുന്നു.
പാ രഞ്ജിത്ത്, തമിഴ് പ്രഭ, അഴകിയ പെരിയവാണന്‍ എന്നിവര്‍ ചേര്‍ന്നാണ് ചിത്രത്തിന് തിരക്കഥ ഒരുക്കിയിരിക്കുന്നത്. സംഗീതം ജി.വി. പ്രകാശ്, ഛായാഗ്രഹണം കിഷോര്‍ കുമാര്‍, എഡിറ്റിംഗ് ആര്.കെ. സെല്‍വ.
Recent Comments