പുതുമുഖങ്ങളെ അണിനിരത്തി ദേശാടനപക്ഷികള്‍ സിനിമ പ്രൊഡക്ഷന്‍ കമ്പനിയുടെ ബാനറില്‍ ഇടത്തൊടി ഭാസ്‌ക്കരന്‍ (ബഹ്റൈന്‍), സവിത മനോജ് പയ്യോളി എന്നിവര്‍ സംയുക്തമായി നിര്‍മ്മിച്ച് നവാഗതനായ റോഷന്‍ കോന്നി സംവിധാനം ചെയ്യുന്ന പുതിയ ചിത്രം ‘ഒരു കെട്ടുകഥയിലൂടെ’ ചിത്രീകരണം കോന്നിയില്‍ പുരോഗമിക്കുന്നു. ഏറെ സസ്‌പെന്‍സും ത്രില്ലും നിറഞ്ഞ ചിത്രം കോന്നിയിലും പരിസര പ്രദേശങ്ങളിലുമായാണ് ചിത്രീകരണം നടക്കുന്നത്. കോന്നിയുടെ ദൃശ്യഭംഗിയും ഗ്രാമ കാഴ്ചകളും ചിത്രീകരണത്തിലെ പുതുമകളാണ്. വനത്തിനുള്ളിലെ അപൂര്‍വ്വങ്ങളായ ദൃശ്യവിരുന്നും സിനിമയ്ക്ക് മികവ് നല്കുകയാണ്. നവാഗതര്‍ക്ക് പുറമെ മലയാളത്തിലെയും തമിഴിലെയും പ്രമുഖ താരങ്ങളും ചിത്രത്തില്‍ അണിനിരക്കുന്നുണ്ട്.
നീനകുറുപ്പ്, ചെമ്പില്‍ അശോകന്‍, അരിസ്റ്റോ സുരേഷ്, മനോജ് പയ്യോളി, വൈഗ റോസ്, അമ്പിളി ഔസേപ്പ്, ബിഗ്ബോസ് ഫെയിം ഡോ: രജിത്കുമാര്‍, ജി.കെ. പണിക്കര്‍, ശ്രീകാന്ത് ചിക്കു, എസ്.ആര്‍. ഖാന്‍ കോഴിക്കോട്, ബാല മയൂരി, ഷമീര്‍,സിബി കൃഷ്ണന്‍, അന്‍സു കോന്നി, ജോര്‍ജ് തോമസ് എന്നിവര്‍ക്കൊപ്പം പുതുമുഖങ്ങളായ സച്ചിന്‍ പാലപ്പറമ്പില്‍, മിന്നു മെറിന്‍, അന്‍വര്‍, അമൃത്, ആന്‍മേരി, അതുല്യ, മാളവിക, ശിഖ മനോജ് തുടങ്ങിയവരും അഭിനയിക്കുന്നു.
ചിത്രത്തിന്റെ കഥയും സഹ സംവിധാനവും ജിറ്റ റോഷന്‍ നിര്‍വ്വഹിക്കുന്നു. ഛായാഗ്രഹണം: ഷാജി ജേക്കബ്, എഡിറ്റിംഗ്: റോഷന്‍ കോന്നി, ചീഫ് അസ്സോസിയേറ്റ് ഡയറക്ടര്‍: ശ്യാം അരവിന്ദം, കലാസംവിധാനം: ഷാജി മുകുന്ദ് & വിനോജ് പല്ലിശ്ശേരി, ഗാനരചന: മനോജ് കുളത്തിങ്കല്‍ & മുരളി മൂത്തേടം. സംഗീതം: സജിത്ത് ശങ്കര്‍, പ്രൊഡക്ഷന്‍ കണ്‍ട്രോളര്‍: സജിത്ത് സത്യന്‍, ചമയം: സിന്റ മേരി വിന്‍സെന്റ്, നൃത്ത സംവിധാനം: അതുല്‍ രാധാകൃഷ്ണന്‍, വസ്ത്രാലങ്കാരം: അനിശ്രീ, ആലാപനം: ബെല്‍രാം, നിമ്മി ചക്കിങ്കല്‍ & ശരത് എസ് മാത്യു, പി.ആര്‍.ഒ: പി.ആര്‍. സുമേരന്‍, സ്റ്റില്‍സ്: എഡ്ഡി ജോണ്‍. അസ്സോസിയേറ്റ് ഡയറക്ടര്‍: കലേഷ്‌കുമാര്‍ കോന്നി, അസിസ്റ്റന്റ് ഡയറക്ടര്‍മാര്‍: നന്ദഗോപന്‍ & നവനീത്, ആര്‍ട്ട് അസിസ്റ്റന്റ്: രോഹിത് വിജയന്‍, ഫോക്കസ് പുള്ളര്‍, കിഷോര്‍ ലാല്‍, അസോസിയേറ്റ് ക്യാമറാമാന്‍: ശ്രീജേഷ്, പോസ്റ്റര്‍ ഡിസൈന്‍: സുനില്‍ എസ് പുരം, ലൊക്കേഷന്‍ മാനേജര്‍സ്: ആദിത്യന്‍, ഫാറൂഖ്.
Recent Comments