കാളിദാസ് ജയറാമിനെ നായനാക്കി പാ. രഞ്ജിത്ത് സംവിധാനം ചെയ്യുന്ന ‘നക്ഷത്തിരം നകര്‍കിരത്’ എന്ന ചിത്രത്തിന്റെ ട്രെയിലര്‍ റിലീസ് ചെയ്തു. ട്രെയിലറിന് വന്‍ വരവേല്‍പ്പാണ് നല്‍കിയിരിക്കുന്നത്.
യൂത്ത് ഫെസ്റ്റിവല്‍ എന്നു തന്നെ വിശേഷിപ്പിക്കാവുന്ന ഈ രഞ്ജിത്ത് ചിത്രത്തിന്റെ പ്രമേയം തന്നെ പ്രണയമാണ്. പ്രണയത്തിന് പിന്നില്‍ സമൂഹം മെനയുന്ന കഥകളാണ് ചിത്രം പറയുന്നത്. ദുഷാര വിജയനാണ് നായിക. കലൈ അരസന്‍ മറ്റൊരു കേന്ദ്ര കഥാപാത്രമാവുന്നു. ഹരികൃഷ്ണന്‍, വിനോദ്, ഷബീര്‍ കല്ലറക്കല്‍, റെജിന്‍ റോസ്, ദാമു തുടങ്ങിയവരും ചിത്രത്തിലെ മറ്റ് കഥാപാത്രങ്ങളെ അവതരിപ്പിക്കുന്നു.
കിഷോര്‍ കുമാറാണ് ചിത്രത്തിന്റെ ഛായാഗ്രാഹകന്‍. തെന്മയാണ് സംഗീതം. ‘സര്‍പട്ട പരമ്പരൈ’ എന്ന സിനിമയ്ക്ക് ശേഷം പാ. രഞ്ജിത്ത് അണിയിച്ചൊരുക്കുന്ന ചിത്രമാണിത്’ . പാ. രഞ്ജിത്തിന്റെ നീലം പ്രൊഡക്ഷന്‍സും യാഴി ഫിലിംസും സംയുക്തമായി നിര്‍മ്മിക്കുന്ന ‘നക്ഷത്തിരം നകര്‍കിരത്’ ആഗസ്റ്റ് 31-ന് മുരളി സില്‍വര്‍ സ്‌ക്രീന്‍ പിക്‌ചേര്‍സ് കേരളത്തില്‍ റിലീസ് ചെയ്യും. വാര്‍ത്താപ്രചരണം: സി.കെ. അജയ്കുമാര്‍.
Recent Comments