കാളിദാസ് ജയറാമിനെ നായനാക്കി പാ. രഞ്ജിത്ത് സംവിധാനം ചെയ്യുന്ന ‘നക്ഷത്തിരം നകര്‍കിരത്’ (നക്ഷത്രം ചലിക്കുന്നു) എന്ന ചിത്രത്തിന്റെ പ്രൊമൊ വീഡിയോ പുറത്തിറങ്ങി. കഥാപാത്രങ്ങളെ പരിചയപ്പെടുത്തുന്ന വീഡിയോയാണ് അണിയറക്കാര്‍ പുറത്തുവിട്ടത്.
ദുഷാര വിജയനാണ് നായിക. കലൈ അരസന്‍ മറ്റൊരു കേന്ദ്ര കഥാപാത്രത്തെ അവതരിപ്പിക്കുന്നു. ഹരികൃഷ്ണന്‍, വിനോദ്, ഷബീര്‍ കല്ലറക്കല്‍, റെജിന്‍ റോസ്, ദാമു തുടങ്ങിയവരും ചിത്രത്തിന്റെ ഭാഗമാകുന്നു. കിഷോര്‍ കുമാറാണ് ഛായാഗ്രാഹകന്‍. തെന്മയാണ് സംഗീത സംവിധായകന്‍. ‘സര്‍പട്ട പരമ്പരൈ’യ്ക്കു ശേഷം പാ. രഞ്ജിത്ത് അണിയിച്ചൊരുക്കുന്ന ‘നക്ഷത്തിരം നകര്‍കിരത്’ പൂര്‍ണമായും ഒരു പ്രണയ കഥയാണ് പറയുന്നത്.
പാ. രഞ്ജിത്തിന്റെ തന്നെ നീലം പ്രൊഡക്ഷന്‍സും യാഴി ഫിലിംസും സംയുക്തമായി നിര്‍മ്മിക്കുന്ന ചിത്രം മുരളി സില്‍വര്‍ സ്‌ക്രീന്‍ പിക്ചര്‍സ് കേരളത്തില്‍ റിലീസ് ചെയ്യും. സിനിമയെ കുറിച്ചുള്ള കൂടുതല്‍ വിവരങ്ങള്‍ ഉടന്‍ പുറത്തു വിടുമെന്ന് നിര്‍മ്മാതാക്കള്‍ അറിയിച്ചു. വാര്‍ത്താപ്രചരണം സി.കെ. അജയ് കുമാര്‍.
Recent Comments