പത്മകുമാര്‍ സംവിധാനം ചെയ്യുന്ന പുതിയ ചിത്രത്തിന്റെ ഷൂട്ടിംഗ് കൂര്‍ഗില്‍ ആരംഭിച്ചു. വൗ സിനിമാസിന്റെ ബാനറില്‍ സന്തോഷ് ത്രിവിക്രമന്‍ ഈ ചിത്രം നിര്‍മിക്കുന്നു. വൗസിനിമാസിന്റെ നാലാമതു ചിത്രം കൂടിയാണിത്. കുഞ്ഞമ്മണീസ് ഹോസ്പിറ്റല്‍, പ്രിയന്‍ ഓട്ടത്തിലാണ്, സീക്രട്ട് ഹോം എന്നീ ചിത്രങ്ങളായിരുന്നു വൗസിനിമാസിന്റെ മുന്‍ ചിത്രങ്ങള്‍. കൂര്‍ഗിലെ കുശാല്‍ നഗറിലെ ഹെഗ്ഡള്ളി ഗ്രാമത്തില്‍ ലളിതമായ ചടങ്ങോടെയാണ് ഷൂട്ടിംഗ് ആരംഭിച്ചത്. ക്രിയേറ്റീവ് ഹെഡ്ഡും, ലൈന്‍ പ്രൊഡ്യൂസറുമായ നിഖില്‍ കെ. മേനോന്‍ സ്വിച്ചോണ്‍ നിര്‍വ്വഹിച്ചപ്പോള്‍ ഫസ്റ്റ് ക്ലാപ്പ് നല്‍കിയത് മുക്കം പൊലീസ് സര്‍ക്കിള്‍ ഇന്‍സ്പക്ടര്‍ അന്‍ഷാദാണ്.
രണ്ടായിരത്തി പതിനേഴില്‍ നടന്ന ഒരു യഥാര്‍ത്ഥ സംഭവത്തെ ആസ്പദമാക്കിയുള്ളതാണ് ചിത്രം. കണ്ണൂര്‍ ഇരിട്ടിയിലായിരുന്നു ഈ സംഭവം അരങ്ങേറിയത്. ന്ന് ഈ കേസ് അന്വേഷിച്ച പൊലീസ് ഉദ്യോഗസ്ഥനാണ് അന്‍ഷാദ്. അദ്ദേഹത്തിന്റെ മൂലകഥയില്‍ നിന്നും ഷാജി മാറാടാണ് ഈ ചിത്രത്തിന്റെ തിരക്കഥ ഒരുക്കിയിരിക്കുന്നത്.
ഏറെ ശ്രദ്ധേയമായ ഇലവിഴാ പൂഞ്ചിറ എന്ന ചിത്രത്തിന് തിരക്കഥ ഒരുക്കിയത് ഷാജി മാറാടാണ്. പൂര്‍ണ്ണമായും റിയലിസ്റ്റിക്ക് ക്രൈം ത്രില്ലര്‍ മൂഡിലാണ് ഈ ചിത്രത്തിന്റെ അവതരണം. തുടക്കം മുതല്‍ തികഞ്ഞ ഉദ്വേഗം നിലനിര്‍ത്തിക്കൊണ്ടുള്ള അവതരണമാണ് പത്മകുമാര്‍ ഈ ചിത്രത്തിനു വേണ്ടി സ്വീകരിച്ചിരിക്കുന്നത്. ഒപ്പം ഇമോഷനും ഏറെ പ്രാധാന്യം നല്‍കുന്നുണ്ട് ഈ ചിത്രം.
യുവനടന്മാരില്‍ ശ്രദ്ധേയനായ റോഷന്‍ മാത്യുവാണ് ഈ ചിത്രത്തിലെ കേന്ദ്ര കഥാപാത്രമായ എസ്.ഐ. അജീബിനെ അവതരിപ്പിക്കുന്നത്. ഏഷ്യാനെറ്റ് ‘കോമഡി ഷോയിലെ അവതാരികയായും കിസ്മത്ത് എന്ന ചിത്രത്തിലെ നായികയുമായ ശ്രുതി മേനോനാണ് ഈ ചിത്രത്തിലെ നായിക. ബൈജു സന്തോഷ്, വിനീത് തട്ടില്‍, ഷാജു ശ്രീധര്‍, തമിഴിലും, മലയാളത്തിലുമായി ശ്രദ്ധേയരായ ഹരീഷ്, വിനോദ് സാഗര്‍, എന്തി വരും,അതുല്യ ചന്ദ്രന്‍, മാസ്റ്റര്‍ ആര്യന്‍. എസ്. പൂജാരി ബേബിമിത്രാ സഞ്ജയ്,എന്നിവരും പ്രധാന താരങ്ങളാണ്.
ഷിബു ചക്രവര്‍ത്തി, സന്തോഷ് വര്‍മ്മ എന്നിവരുടെ ഗാനങ്ങള്‍ക്ക് ജെറി അമല്‍ദേവ്, മണികണ്ഠന്‍ അയ്യപ്പ എന്നിവര്‍ ഈണം പകര്‍ന്നിരിക്കുന്നു. ഛായാഗഹണം അജയ് ഡേവിഡ് കാച്ചപ്പിള്ളി, എഡിറ്റിംഗ് രഞ്ജന്‍ എബ്രഹാം, കലാസംവിധാനം സാബുറാം, മേക്കപ്പ് പി.വി. ശങ്കര്‍, കോസ്റ്റും ഡിസൈന്‍ അയിഷാ സഫീര്‍സേട്ട്, നിശ്ചല ഛായാഗ്രഹണം സലീഷ് പെരിങ്ങോട്ടുകര, ചീഫ് അസ്സോസ്സിയേറ്റ് ഡയറക്ടര്‍ കെ.ജെ. വിനയന്‍, അസ്സോസ്സിയേറ്റ് ഡയറക്ടേഴ്‌സ് പ്രസാദ് യാദവ്, ഗോപന്‍ കുറ്റിയാനിക്കാട്, സഹ സംവിധാനം ആകാശ് എം, കിരണ്‍ ചന്ദ്രശേഖരന്‍, സജി മുണ്ടൂര്‍, ഉണ്ണി വരദം, പ്രൊഡക്ഷന്‍ മാനേജേഴ്‌സ് അതുല്‍ കൊടുമ്പാടന്‍, അനില്‍ ആസാദ്, പ്രൊഡക്ഷന്‍ എക്‌സിക്യൂട്ടീവ് പ്രതാപന്‍ കല്ലിയൂര്‍, പ്രൊഡക്ഷന്‍ കണ്‍ട്രോളര്‍ പ്രവീണ്‍ ബി. മേനോന്‍, പി.ആര്‍.ഒ വാഴൂര്‍ ജോസ്.
കൂര്‍ഗ്, കണ്ണര്‍, തലശ്ശേരി, ഇരിട്ടി, മുംബൈ എന്നിവിടങ്ങളിലായി ഈ സിനിമയുടെ ചിത്രീകരണം പൂര്‍ത്തിയാകും.
Recent Comments