മണികണ്ഠന്‍ പട്ടാമ്പിയും സലിം ഹസനും തിരക്കഥ രചിച്ച് സംവിധാനം ചെയ്യുന്ന പഞ്ചായത്തു ജെട്ടിയുടെ ചിത്രീകരണം പൂര്‍ത്തിയായി. മറിമായം എന്ന ഹിറ്റ് പരമ്പരയിലൂടെ ശ്രദ്ധേയരായവരാണ് മണികണ്ഠന്‍ പട്ടാമ്പിയും സലിം ഹസനും. സപ്തതരംഗ് ക്രിയേഷന്‍സും ഗോവിന്ദ് ഫിലിംസും ചേര്‍ന്നാണ് ഈ ചിത്രം നിര്‍മ്മിക്കുന്നത്.
നായരമ്പലം, എളങ്കുന്നപ്പുഴ, വൈപ്പിന്‍, എടവനക്കാട് എന്നിവിടങ്ങളിലായിട്ടാണ് ചിത്രീകരണം പൂര്‍ത്തിയായിരിക്കുന്നത്. പഞ്ചായത്തു ജെട്ടി ഒരു ഗ്രാമത്തിന്റെ പൊതുവായ ചില പ്രശ്‌നങ്ങളിലേക്കാണ് വിരല്‍ ചൂണ്ടുന്നത്. സാമൂഹ്യ വിഷയങ്ങള്‍ തികച്ചും ആക്ഷേപഹാസ്യത്തിലൂടെ അവതരിപ്പിക്കുകയാണ്. അതിനോടൊപ്പം ജീവിതഗന്ധിയായ മുഹൂര്‍ത്തങ്ങളും ഈ ചിത്രത്തിലെ പ്രധാന ഘടകമാകുന്നുണ്ട്. മറിമായം പരമ്പരയിലെ മുഴുവന്‍ അഭിനേതാക്കളും ഈ ചിത്രത്തില്‍ അഭിനയി ക്കുന്നുണ്ട്. ഇവര്‍ക്കൊപ്പം നിരവധി പുതുമുഖങ്ങളും അഭിനയിക്കുന്നു. സലിം കുമാര്‍ ശക്തമായൊരു വേഷവും ചെയ്യുന്നു.
Recent Comments