2024 ലെ ഫിലിം ഫെയര്‍ അവാര്‍ഡ് കരസ്ഥമാക്കിയ നടന്‍ ഇന്ദ്രന്‍സിനെ ആദരിച്ച് പാണ്ഡവലഹളയിലെ അണിയറ പ്രവര്‍ത്തകര്‍. ഉടല്‍ എന്ന ചിത്രത്തിലെ മികച്ച പ്രകടനത്തിനാണ് മികച്ച സഹനടനുള്ള ഫിലിം ഫെയര്‍ പുരസ്‌കാരം ഇന്ദ്രന്‍സിന് ലഭിച്ചത്. വാര്‍ത്ത അറിഞ്ഞതിന് പിന്നാലെ പാണ്ഡവലഹളിയിലെ അഭിനേതാക്കളുടെയും അണിയറ പ്രവര്‍ത്തകരുടെയും സാന്നിദ്ധ്യത്തില്‍ നടന്‍ ജഗദീഷ് ഇന്ദ്രന്‍സിന് പൊന്നാടയണിയിച്ച് ആദരിച്ചു. പിന്നീട് കേക്ക് മുറിച്ച് സന്തോഷം പങ്കുവയ്ക്കുകയും ചെയ്തു.
സൗത്ത് ഇന്ത്യയിലെ പ്രമുഖ നിര്‍മ്മാണ കമ്പനിയായ ഫ്രാഗ്രന്റ് നേച്ചര്‍ ഫിലിം ക്രിയേഷന്‍സിന്റെ ബാനറില്‍ ആന്‍ സജീവ്, സജീവ് പി.കെ. എന്നിവര്‍ ചേര്‍ന്ന് നിര്‍മ്മിക്കുന്ന ചിത്രമാണ് പാണ്ഡവ ലഹള. ഉത്സവ് രാജീവും ഫഹദ് നന്ദുവും ചേര്‍ന്നാണ് ചിത്രത്തിന്റെ തിരക്കഥയെഴുതി സംവിധാനം നിര്‍വ്വഹിക്കുന്നത്.
ജഗദീഷ്, ഇന്ദ്രന്‍സ്, പ്രശാന്ത് അലക്‌സാണ്ടര്‍, മീനരാജ്, ഭാഗ്യ, ഋഷികേശ് തുടങ്ങിവരാണ് ചിത്രത്തിലെ പ്രധാന കഥാപാത്രങ്ങളെ അവതരിപ്പിക്കുന്നത്. ഛായാഗ്രഹണം അല്‍ഫാസ് ജഹാംഗീര്‍, സംഗീതം ബിജിബാല്‍, പ്രൊഡക്ഷന്‍ കണ്‍ട്രോളര്‍ സതീഷ് കാവില്‍ കോട്ട. ചിത്രത്തിന്റെ ഷൂട്ടിംഗ് പുരോഗമിച്ചുവരുന്നു.
Recent Comments