പാരനോര്‍മല്‍ ഇന്‍വെസ്റ്റിഗേഷന്‍, എക്‌സ്സോര്‍സിസം എന്നീ വിഷയങ്ങള്‍ പ്രതിപാദിക്കുന്ന ഇംഗ്ലീഷ് ഹൊറര്‍ ചിത്രം ‘പാരനോര്‍മല്‍ പ്രൊജക്ടി’ന്റെ ട്രെയിലര്‍ റിലീസ് ചെയ്തു. എസ്എസ് ജിഷ്ണുദേവാണ് ചിത്രം സംവിധാനം ചെയ്തിരിക്കുന്നത്. ക്യാപ്റ്റാരിയാസ് എന്റര്‍ടെയിന്‍മെന്റിന്റെ ബാനറില്‍ ഒരുക്കിയ ചിത്രം, അമേരിക്കന്‍ ഫിലിം വിതരണ കമ്പനിയായ ഡാര്‍ക്ക് വെബ് ഫിലിംസാണ് പുറത്തിറക്കുന്നത്. പാരനോര്‍മല്‍ ഇന്‍വെസ്റ്റിഗേറ്റേര്‍സായ ആല്‍വിന്‍ ജോഷ്, സാം അലക്‌സ്, കാര്‍ത്തിക് രഘുവരന്‍, ക്രിസ്റ്റി ഫെര്‍ണാന്‍ഡോസ് എന്നിവരുടെ കേസ് ഡയറികളാണ് സിനിമയിലുടനീളം അവതരിപ്പിക്കുന്നത്.
തികച്ചും വ്യത്യസ്തമായ പാറ്റേര്‍ണിലാണ് സിനിമയുടെ ആഖ്യാനശൈലി. സൗത്ത് ഇന്ത്യ പശ്ചാത്തലമാക്കി വരുന്ന ഈ ഹൊറര്‍ സിനിമയില്‍ ഷാഡോ സിനിമാട്ടോഗ്രഫിയാണ് ഉപയോഗിച്ചിരിക്കുന്നത്. പ്രേതബാധയുണ്ട് എന്ന് വിശ്വസിക്കപ്പെടുന്ന ഒരു ഒഴിഞ്ഞ കോളേജ് ബില്‍ഡിംഗില്‍ അധികൃതരുടെ നിര്‍ദ്ദേശപ്രകാരം എത്തുന്ന പാരനോര്‍മല്‍ ഇന്‍വെസ്റ്റിഗേറ്റേര്‍സ്, അവര്‍ ഒട്ടും പ്രതീക്ഷിക്കാത്ത രീതിയില്‍ ഒട്ടനവധി പ്രശ്‌നങ്ങള്‍ നേരിടേണ്ടി വരുന്നതാണ് ഈ സിനിമയുടെ ഇതിവൃത്തം
പല യഥാര്‍ത്ഥ സംഭവങ്ങളുടെയും അടിസ്ഥാനത്തിലാണ് സിനിമയുടെ തിരക്കഥ എഴുതിയിരിക്കുന്നത്. സംവിധായകന്‍ എസ്.എസ്. ജിഷ്ണു ദേവ് തന്നെയാണ് സിനിമാട്ടോഗ്രഫിയും എഡിറ്റിംഗും കൈകാര്യം ചെയ്തിരിക്കുന്നത്. ട്രെയിലര്‍ പശ്ചാത്തല സംഗീതം, സൗണ്ട് ഡിസൈന്‍ നിര്‍വഹിച്ചിരിക്കുന്നത് എബിന്‍ എസ് വിന്‍സെന്റാണ്. സ്‌നേഹല്‍ റാവു, ഗൗതം എസ് കുമാര്‍, അഭിഷേക് ശ്രീകുമാര്‍, സുനീഷ്, ശരണ്‍ ഇന്‍ഡോകേര, സുദര്‍ശനന്‍ റസ്സല്‍പുരം, ജലത ഭാസ്‌കര്‍, ചിത്ര, അവന്തിക, അമൃത് സുനില്‍, നൈതിക്, ആരാധ്യ, മാനസപ്രഭു, ഷാജി ബാലരാമപുരം, അരുണ്‍ എആര്‍, റ്റി സുനില്‍ പുന്നക്കാട്, സുരേഷ് കുമാര്‍, ചാല കുമാര്‍ എന്നിവര്‍ പ്രധാന വേഷങ്ങളില്‍ എത്തുന്നു.
സൗണ്ട് ഡിസൈന്‍ ശ്രീവിഷ്ണു ജെഎസ്, പശ്ചാത്തല സംഗീതം സൗരവ് സുരേഷ്. ജമ്പ് സ്‌കെയര്‍ ധാരാളമുള്ള ഈ സിനിമയില്‍ സ്‌പെഷ്യല്‍ മേക്കപ്പ് ചെയ്തിരിക്കുന്നത് ഷൈനീഷ എംഎസ് ആണ്. കലാസംവിധാനം റ്റി സുനില്‍ പുന്നക്കാട്, പബ്ലിസിറ്റി ഡിസൈന്‍ വിനില്‍ രാജ്, സ്‌പ്ലെന്‍ഡിഡ് ഒലയോ, പ്രജിന്‍ വി കെ. പിആര്‍ഒ അജയ് തുണ്ടത്തില്‍.
Recent Comments