‘കോശിച്ചായന്റെ പറമ്പ്’ എന്ന ചിത്രത്തിന് ശേഷം സാജിര്‍ സദഫ് സംവിധാനം ചെയ്യുന്ന ചിത്രമായ ‘പട്ടാപ്പകലി’ന്റെ സെക്കന്റ് ലുക്ക് പോസ്റ്റര്‍ പുറത്തിറങ്ങി. കൃഷ്ണശങ്കര്‍, കിച്ചു ടെല്ലസ്, സുധി കോപ്പ എന്നിവരെയാണ് പോസ്റ്ററില്‍ കാണുന്നത്. ശ്രീനന്ദനം ഫിലിംസിന്റെ ബാനറില്‍ എന്‍. നന്ദകുമാറാണ് ചിത്രം നിര്‍മ്മിക്കുന്നത്. കോമഡി എന്റര്‍ടൈനറാണ് ചിത്രം. രമേഷ് പിഷാരടി, ജോണി ആന്റണി, ഗോകുലന്‍, ഫ്രാങ്കോ ഫ്രാന്‍സിസ്, പ്രശാന്ത് മുരളി, വിനീത് തട്ടില്‍, രഞ്ജിത്ത് കൊങ്കല്‍, രഘുനാഥ്, നന്ദന്‍ ഉണ്ണി, ഡോ.രജിത് കുമാര്‍, ഗീതി സംഗീത, ആമിന, സന്ധ്യ തുടങ്ങിയവരാണ് മറ്റ് താരങ്ങള്‍.
പി.എസ് അര്‍ജുന്റേതാണ് തിരക്കഥ. കണ്ണന്‍ പട്ടേരിയാണ് ഛായാഗ്രാഹകന്‍. മനു മഞ്ജിത്തിന്റെ വരികള്‍ക്ക് ഷാന്‍ റഹ്‌മാനാണ് സംഗീതം ഒരുക്കുന്നത്. എഡിറ്റിംഗ് ജസ്സല്‍ സഹീര്‍, പ്രൊഡക്ഷന്‍ കണ്‍ട്രോളര്‍ നിസാര്‍ മുഹമ്മദ്, ചീഫ് അസോസിയേറ്റ് ഡയറക്ടര്‍ അനീഷ് ജോര്‍ജ്, കലാസംവിധാനം സന്തോഷ് വെഞ്ഞാറമൂട്, വസ്ത്രാലങ്കാരം ഗഫൂര്‍ മുഹമ്മദ്, മേക്കപ്പ് ജിതേഷ് പൊയ്യ, ആക്ഷന്‍ മാഫിയ ശശി, കൊറിയോഗ്രഫി പ്രദീപ് ആന്റണി, പ്രൊഡക്ഷന്‍ എക്‌സിക്യൂട്ടീവ് ഗൗതം കൃഷ്ണ, ഫിനാന്‍സ് മാനേജര്‍ സജിത്ത് സത്യന്‍, രാധാകൃഷ്ണന്‍, അസോസിയേറ്റ് ഡയറക്ടര്‍ ജിസ്‌മോന്‍ ജോര്‍ജ്, രാകേഷ് കൃഷ്ണന്‍ ജി, സ്റ്റില്‍സ് ഹരീസ് കാസിം, പി.ആര്‍.ഒ പി. ശിവപ്രസാദ്.
Recent Comments