പ്രശസ്ത സംവിധായകന്‍ മണിരത്‌നം സംവിധാനം നിര്‍വ്വഹിച്ച പൊന്നിയിന്‍ സെല്‍വന്‍-2 ആഡിയോ-ട്രെയിലര്‍ ലോഞ്ച് അതിഗംഭീരമായ ചടങ്ങുകളോടെ ചെന്നൈയില്‍ നടന്നു. കമല്‍ഹാസനും ചിമ്പുവുമായിരുന്നു മുഖ്യാതിഥികള്‍. PS2 ന്റെ സാങ്കേതിക പ്രവര്‍ത്തകരും താരങ്ങളും പങ്കെടുത്തു. അതിഥികളെ സ്വീകരിച്ചത് സംവിധായകന്‍ മണിരത്‌നവും ഭാര്യ സുഹാസിനിയും ചേര്‍ന്നാണ്.
ഉലകനായകന്‍ കമല്‍ഹാസനാണ് ട്രെയിലര്‍ ലോഞ്ച് ചെയ്തത്. പൊന്നിയിന്‍ സെല്‍വത്തിന്റെ വിജയത്തിനേക്കാള്‍ ഇരട്ടിവിജയം രണ്ടാംഭാഗം നേടുമെന്ന് കമല്‍ഹാസന്‍ പറഞ്ഞു. മണിരത്‌നത്തോടൊപ്പമുള്ള അടുത്ത ചിത്രത്തെക്കുറിച്ച് അവതാരിക കമല്‍ഹാസനോട് തിരക്കി. അത് മറ്റൊരു വേദിയില്‍ പറയുന്നതല്ലേ നല്ലതെന്ന് അദ്ദേഹം തിരിച്ചു ചോദിച്ചു. ഏതായാലും ഞങ്ങള്‍ ഒരുമിച്ചുള്ള പടം ഉണ്ടാകും കമല്‍ പറഞ്ഞു.
നടന്മാരായ ജയറാമിന്റെയും പ്രഭുവിന്റെയും പ്രകാശ് രാജിന്റെയും അഭാവം ചടങ്ങിലുണ്ടായിരുന്നു. മണിരത്‌നത്തിന്റെ മുന്‍കാല നായികമാരായ ഖുശ്ബു, ശോഭന, രേവതി എന്നിവര്‍ ചടങ്ങിന് ആശംസകള്‍ നേരാന്‍ എത്തിയിരുന്നു. രണ്ടാംഭാഗത്തിന്റെ ട്രെയിലറിനും ഗംഭീര പ്രതികരണമാണ് ലഭിക്കുന്നത്.
Recent Comments