പൊന്നിയിന്‍ സെല്‍വന്‍-2 ഓഡിയോ-ട്രെയിലര്‍ ലോഞ്ച് മാര്‍ച്ച് 29 ന് വൈകിട്ട് 6 മണിക്ക് ചെന്നൈ നെഹ്‌റു ഇന്‍ഡോര്‍ സ്റ്റേഡിയത്തില്‍ നടക്കും. ആയിരക്കണക്കിന് ആരാധകരുടെ സാന്നിധ്യത്തില്‍ നടക്കുന്ന ബ്രഹ്മാണ്ഡ ചടങ്ങില്‍ ഇന്ത്യന്‍ സിനിമയില്‍ നിന്നുള്ള മുന്‍നിര താരങ്ങളും പങ്കെടുക്കും.
ട്രെയിലറിനോടൊപ്പം ഏ.ആര്‍. റഹ്മാന് സംഗീതം പകര്‍ന്ന ഏഴു ഗാനങ്ങളടങ്ങുന്ന മ്യുസിക് ആല്‍ബവും പുറത്തിറക്കും. റഫീക്ക് അഹമ്മദാണ് മലയാള ഗാനങ്ങള്‍ രചിച്ചിരിക്കുന്നത്. ഇതിന്റെ മേക്കിംഗ് വീഡിയോ നിര്‍മ്മാതാക്കളായ ലൈക്കാ പ്രൊഡക്ഷന്‍സും മദ്രാസ് ടാക്കീസും പുറത്തു വിട്ടു. ഏആര്‍ റഹ്മാന്റെ മേല്‍നോട്ടത്തില്‍ ശ്വേതാ മോഹന്‍, ചിന്‍മയി, ശക്തിശ്രീ ഗോപാല്‍ എന്നിവര്‍ ഗാനാലാപനം നടത്തുന്ന വീഡിയോ സോഷ്യല്‍ മീഡിയയില്‍ തരംഗമാവുകയാണ്.
ഏപ്രില്‍ 28 നാണ് പൊന്നിയിന്‍ സെല്‍വന്‍ 2 റിലീസ് ചെയ്യുന്നത്. തമിഴ്, മലയാളം, തെലുങ്ക്, കന്നഡ, ഹിന്ദി എന്നീ ഭാഷകളിലായി റീലീസ് ചെയ്യും. ശ്രീ ഗോകുലം മൂവിസാണ് ചിത്രത്തിന്റെ കേരളത്തിലെ വിതരണക്കാര്‍. പിആര്‍ഒ സി.കെ. അജയ്കുമാര്‍.
Recent Comments