മണിരത്‌നം സംവിധാനം ചെയ്ത ബ്രഹ്‌മാണ്ഡ ചലച്ചിത്രം പൊന്നിയിന്‍ സെല്‍വന്റെ ആദ്യ ഭാഗം കഴിഞ്ഞ സെപ്റ്റംബര്‍ 30 നാണ് ലോക വ്യാപകമായി റിലീസ് ചെയ്തത്. ഇന്ത്യന്‍ സിനിമയുടെ ചരിത്രത്തില്‍ തന്നെ ഇതു വരെയുള്ള കളക്ഷന്‍ റെക്കോര്‍ഡുകള്‍ ഭേദിച്ച ചിത്രം കൂടിയായിരുന്നു PS1. അതിന്റെ രണ്ടാം ഭാഗത്തിന്റെ റിലീസ് പ്രഖ്യാപിച്ചിരിക്കുകയാണ് നിര്‍മ്മാതാക്കളായ ലൈക്ക പ്രൊഡക്ഷനും മദ്രാസ് ടാക്കീസും. അടുത്ത വര്‍ഷം ഏപ്രില്‍ 28 ന് പൊന്നിയിന്‍ സെല്‍വന്‍ 2 പ്രദര്‍ശനത്തിനെത്തും. ഇതിന് മുന്നോടിയായി ചിത്രത്തിന്റെ മോഷന്‍ പോസ്റ്ററും പുറത്തുവിട്ടു.
കേരളത്തിലും PS1 ആവേശകരമായ വിജയം നേടി. കേരളത്തില്‍നിന്നുമാത്രം 25 കോടിയോളം രൂപയുടെ കളക്ഷന്‍ നേടിയതായാണ് റിപ്പോര്‍ട്ട്.
പൊന്നിയിന്‍ സെല്‍വന്റെ ആദ്യഭാഗത്തില്‍ 48 -ഓളം പ്രധാന കഥാപാത്രങ്ങളെയാണ് സംവിധായകന്‍ മണിരത്‌നം പരിചയപ്പെടുത്തിയത്. രണ്ടാം ഭാഗത്തിലാണ് ചോള സാമ്രാജ്യത്തിന്റെ യഥാര്‍ത്ഥ കഥ പറഞ്ഞു തുടങ്ങുന്നത്. വിക്രം, കാര്‍ത്തി, ജയം രവി, ഐശ്വര്യാ റായ്, തൃഷ, റഹ്‌മാന്‍, ശരത് കുമാര്‍, ജയറാം, ബാബു ആന്റണി, ലാല്‍,അശ്വിന്‍ കാകുമാനു, റിയാസ് ഖാന്‍, ശോഭിതാ ധൂലിപാല, ഐശ്വര്യ ലക്ഷ്മി, ജയചിത്ര എന്നിവരാണ് പ്രധാന കഥാപാത്രങ്ങളെ അവതരിപ്പിക്കുന്നത്. എ.ആര്‍. റഹ്‌മാന്‍ സംഗീതം നിര്‍വ്വഹിക്കുന്ന ചിത്രത്തിന്റെ ഛായാഗ്രാഹകന്‍ രവി വര്‍മ്മനും കലാസംവിധായകന്‍ തോട്ടാ ധരണിയുമാണ്. വാര്‍ത്താ പ്രചരണം അജയ് കുമാര്‍.
Recent Comments