കാര്‍ത്തിയെ നായകനാക്കി പി.എസ്. മിത്രന്‍ സംവിധാനം ചെയ്യുന്ന ചിത്രത്തിന്റെ പൂജ ഇന്ന് ചെന്നൈയില്‍ നടന്നു. ചിത്രത്തിന് പേരിട്ടിട്ടില്ല.
ഇരിമ്പ് തിറൈ, ഹീറോ എന്നീ സൂപ്പര്‍ ഹിറ്റ് ചിത്രങ്ങള്‍ക്കുശേഷം പി.എസ്. മിത്രന്‍ സംവിധാനം ചെയ്യുന്ന ചിത്രംകൂടിയാണിത്.
പ്രിന്‍സ് പിക്‌ച്ചേഴ്‌സിന്റെ ബാനറില്‍ എസ്. ലക്ഷ്മണന്‍ കുമാറാണ് ഈ ചിത്രം നിര്‍മ്മിക്കുന്നത്.
ജി.വി. പ്രകാശ്കുമാര്‍ സംഗീത സംവിധായകനാകുന്ന ചിത്രത്തിന്റെ ഛായാഗ്രാഹകന്‍ ജോര്‍ജ് സി. വില്യംസാണ്.
ചിത്രത്തിലെ മറ്റ് നടീനടന്മാരെയും സാങ്കേതിക പ്രവര്‍ത്തകരെയും ഉടന്‍ പ്രഖ്യാപിക്കും.
‘സുല്ത്താന്’ ശേഷം കാര്‍ത്തി ചെയ്യുന്ന ചിത്രംകൂടിയാണിത്. സുല്ത്താന് പ്രദര്‍ശനത്തിനിറങ്ങുന്നതിനിടയിലായിരുന്നു ലോക്ക് ഡൗണ്‍ എത്തിയത്. തുടര്‍ന്ന് പ്രദര്‍ശനം നീട്ടിവയ്ക്കുകയായിരുന്നു.
Recent Comments