മോഹന്‍ലാല്‍ കേന്ദ്രകഥാപാത്രത്തെ അവതരിപ്പിക്കുന്ന തെലുങ്ക് ചലച്ചിത്രം വൃഷഭയുടെ ഷൂട്ടിംഗ് മൈസൂരില്‍ ആരംഭിച്ചു. ഷൂട്ടിംഗിന് മുന്നോടിയായി ചിത്രത്തിന്റെ പൂജയും നടന്നിരുന്നു. മൈസൂറിലെ പ്രശസ്തമായ ചാമുണ്ഡേശ്വരി ക്ഷേത്രത്തില്‍വച്ചായിരുന്നു പൂജാച്ചടങ്ങ്. ചടങ്ങില്‍ മോഹന്‍ലാലും പങ്കെടുത്തു. സംവിധായകന്‍ പ്രിയദര്‍ശന്‍ മുഖ്യാതിഥിയായി. വൃഷഭയില്‍ ലാലിന്റെ മകനായി അഭിനയിക്കുന്നത് തെലുങ്ക് നടന്‍ ശ്രീകാന്തിന്റെ മകന്‍ റോഷന്‍ മെകയാണ്. ശ്രീകാന്തും പൂജയില്‍ പങ്കുകൊണ്ടിരുന്നു. നന്ദകിഷോറാണ് വൃഷഭയുടെ സംവിധായകന്‍.
ചിത്രത്തിന്റെ ഷൂട്ടിംഗ് ആദ്യം ലണ്ടനില്‍ തുടങ്ങാനിരുന്നതാണ്. പിന്നീടത് ഹൈദരാബാദിലേയ്ക്ക് മാറ്റി. ഹൈദരാബാദിലെ മോശം കാലാവസ്ഥയെ തുടര്‍ന്നാണ് ഷൂട്ടിംഗ് മൈസൂരിലേയ്ക്ക് മാറ്റിയത്.
Recent Comments