സുരേഷ് ഗോപി അഭിനയിക്കുന്ന ഇരുന്നൂറ്റി അമ്പത്തി ഏഴാമത്തെ ചിത്രത്തിന് കൊച്ചിയില്‍ തുടക്കമായി. സനല്‍ വി. ദേവനാണ് സംവിധായകന്‍. കുഞ്ഞമ്മിണിസ് ഹോസ്പിറ്റല്‍ എന്ന ചിത്രത്തിലൂടെ ഏറെ ശ്രദ്ധേയനായ സംവിധായകനാണ് സനല്‍ വി. ദേവന്‍. മാവെറിക് മൂവീസ് പ്രൈവറ്റ് ലിമിറ്റഡിന്റെയും സഞ്ജയ് പടിയൂര്‍ എന്റര്‍ടെയിന്‍മെന്റിന്റെ ബാനറില്‍ വിനീത് ജയ്‌നും സഞ്ജയ് പടിയൂരും ചേര്‍ന്നാണ് ചിത്രം നിര്‍മ്മിക്കുന്നത്.
ഇടപ്പള്ളി അഞ്ചുമന ദേവീ ക്ഷേത്രത്തില്‍വച്ചായിരുന്നു പൂജാ ചടങ്ങുകള്‍. സുരാജ് വെഞ്ഞാറമൂട് സ്വിച്ചോണ്‍ കര്‍മ്മം നിര്‍വ്വഹിച്ചു. ഫസ്റ്റ് ക്ലാപ്പ് നിര്‍വ്വഹിച്ചത് രാജാസിംഗായിരുന്നു. ചലച്ചിത്ര രംഗത്തെ നിരവധിപ്പേരുടെ സാന്നിദ്ധ്യവും ഉണ്ടായിരുന്നു. പൂര്‍ണ്ണമായും ഒരു ത്രില്ലര്‍ ചിത്രമാണിത്. സുരേഷ് ഗോപിയെ കൂടാതെ ഗൗതം വാസുദേവ് മേനോന്‍, സുരാജ് വെഞ്ഞാറമൂട് എന്നിവരും മുഖ്യവേഷത്തില്‍ അഭിനയിക്കുന്നു. മലയാളത്തിലെ പ്രമുഖ താരങ്ങളും ചിത്രത്തിന്റെ ഭാഗമാകുന്നു. പി.ആര്‍.ഒ. വാഴൂര്‍ ജോസ്.
Recent Comments