പ്രശസ്ത സംവിധായകന്‍ സിദ്ദിഖിന്റെ നിര്‍മ്മാണ മേല്‍നോട്ടത്തില്‍ എമിറേറ്റ്‌സ് പ്രൊഡക്ഷന്‍സും മീഡിയ യൂണിവേഴ്‌സും ചേര്‍ന്ന് നിര്‍മിക്കുന്ന പൊറാട്ട് നാടകത്തിന്റെ ഷൂട്ടിംഗ് കാഞ്ഞങ്ങാട് ആരംഭിച്ചു. ഉദുമ പാലക്കുന്ന് ശ്രീ ഭഗവതി ക്ഷേത്രത്തില്‍ നടന്ന ലളിതമായ ചടങ്ങില്‍ സിദ്ദിഖ് സ്വിച്ചോണ്‍ കര്‍മ്മവും നിര്‍മ്മാതാവ് വിജയകുമാര്‍ പാലക്കുന്ന് ഫസ്റ്റ് ക്ലാപ്പും നല്‍കി.
സിദ്ദിഖിന്റെ സഹസംവിധായകനായി പ്രവര്‍ത്തിച്ചിരുന്ന നൗഷാദ് സഫ്രോണാണ് പൊറാട്ട് നാടകം സംവിധാനം ചെയ്യുന്നത്. ഉത്തര മലബാറിലെ പ്രചുര പ്രചാരം നേടിയ കോതാമൂരിയാട്ടം, പൊറാട്ട് നാടകം തുടങ്ങിയ കലാരൂപങ്ങളുടെ പശ്ചാത്തലത്തിലാണ് കഥ പറയുന്നത്. ഗോപാലപുര എന്ന ഗ്രാമത്തില്‍ ഇരുപത്തിയൊന്നു ദിവസം അരങ്ങേറുന്ന സംഭവങ്ങള്‍ തികഞ്ഞ ആക്ഷേപഹാസ്യത്തിലൂടെ അവതരിപ്പിക്കുകയാണ്.
സൈജു കുറുപ്പാണ് നായകന്‍. ലൈറ്റ് ആന്റ് സൗണ്ട് ഉടമയായ അബു എന്ന കഥാപാത്രത്തെയാണ് സൈജു കുറുപ്പ് അവതരിപ്പിക്കുന്നത്. രാഹുല്‍ മാധവ്, ധര്‍മ്മജന്‍ ബൊള്‍ഗാട്ടി, സുനില്‍ സുഖദ, നിര്‍മ്മല്‍ പാലാഴി, ബാബു അന്നൂര്‍, ഷുക്കൂര്‍, അനില്‍ ബേബി, ചിത്രാ ഷേണായ്, ഐശ്വര്യ മിഥുന്‍ കോറോത്ത്, ജിജിന രാധാകൃഷ്ണന്‍, ചിത്രാ നായര്‍, ഗീതി സംഗീത എന്നിവരും പ്രധാന താരങ്ങളാണ്.
സുനീഷ് വാരനാടാണ് തിരക്കഥാകൃത്ത്. മോഹന്‍ലാല്‍, ഈശോ എന്നീ ചിത്രങ്ങള്‍ക്കുശേഷം സുനീഷ് വാരനാട് തിരക്കഥ രചിക്കുന്ന ചിത്രം കൂടിയാണിത്. സംഗീതം രാഹുല്‍ രാജ്, ഛായാഗ്രഹണം നൗഷാദ് ഷെറീഫ്, എഡിറ്റര്‍ രാജേഷ് രാജേന്ദ്രന്‍, കലാസംവിധാനം സുജിത് രാഘവന്‍, മേക്കപ്പ് ലിബിന്‍ മോഹന്‍, കോസ്റ്റ്യും സൂര്യാ രവീന്ദ്രന്‍, ചീഫ് എസ്സോസ്സിയേറ്റ് ഡയറക്ടര്‍ അനില്‍ മാത്യൂസ് പൊന്നാട്ട്, സഹ സംവിധാനം കെ.ജി. രാജേഷ് കുമാര്‍, ലെയ്‌സണ്‍ ഓഫീസര്‍ ഖുബൈബ് കൂരിയാട്, പ്രൊഡക്ഷന്‍ മാനേജേഴ്‌സ് ലിബു ജോണ്‍, മനോജ് കുമാര്‍. പ്രൊഡക്ഷന്‍ എക്‌സിക്യൂട്ടീവ്, ആന്റണി കുട്ടമ്പുഴ, പ്രൊഡക്ഷന്‍ കണ്‍ട്രോളര്‍ ഷിഹാബ് വെണ്ണല. പിആര്‍ഒ വാഴൂര്‍ ജോസ്, ഫോട്ടോ രാംദാസ് മാത്തൂര്‍.
കാഞ്ഞങ്ങാടും പരിസരങ്ങളിലുമായി ചിത്രത്തിന്റെ ഷൂട്ടിംഗ് പുരോഗമിക്കുന്നു.
Recent Comments