ഹോംബാലെ ഫിലിംസിന്റെ മൂന്നാമത്തെ ബഹുഭാഷാ ഇന്ത്യന്‍ ചിത്രം സലാറിന്റെ ഫസ്റ്റ് ലുക്ക് പോസ്റ്റര്‍ പുറത്തിറങ്ങി. ബാനറിന്റെ ഔദ്യോഗിക സോഷ്യല്‍ മീഡിയ പേജുകളിലൂടെയാണ് പോസ്റ്റര്‍ പുറത്തിറക്കിയത്. സലാറില്‍ നായകന്‍ പ്രഭാസാണ്. അഞ്ച് ഭാഷകളിലായി ഒരേ സമയം റിലീസ് ചെയ്ത കെജിഎഫ് ചാപ്റ്റര്‍ 1-ന്റെ തകര്‍പ്പന്‍ വിജയത്തിന് ശേഷം ഹോംബാലെ ഫിലിംസ് നിര്‍മ്മിക്കുന്ന ചിത്രംകൂടിയാണ് സലാര്‍.
കെ.ജി.എഫിന്റെ സംവിധായകന്‍ പ്രശാന്ത് നീലാണ് സലാറിന്റെയും സംവിധായകന്‍. 2021 ജനുവരിയില്‍ സലാറിന്റെ ചിത്രീകരണം ആരംഭിക്കും.
യാഷും സഞ്ജയ്ദത്തും പ്രധാന കഥാപാത്രങ്ങളെ അവതരിപ്പിക്കുന്ന കെജിഎഫ് ചാപ്റ്റര്‍ 2-ന്റെ ചിത്രീകരണത്തിലാണ് പ്രശാന്ത് നീല്‍ ഇപ്പോള്‍. അത് പൂര്‍ത്തിയാക്കിയാലുടന്‍ അദ്ദേഹം സലാറിന്റെ സംവിധാന ചുമതല ഏറ്റെടുക്കും.
രാധേ ശ്യാമിലാണ് പ്രഭാസ് ഇപ്പോള്‍ അഭിനയിച്ചുകൊണ്ടിരിക്കുന്നത്. രാധേശ്യാമിന്റെ റിലീസിനുശേഷം സലാര്‍ തീയേറ്ററുകളില്‍ എത്തിക്കാനുള്ള ശ്രമത്തിലാണ് വിജയ് കിരാഗന്ദൂറിന്റെ ഉടമസ്ഥതയിലുള്ള ഹോംബാലെ ഫിലിംസ്.
Recent Comments