രാമായണ കഥയെ ആസ്പദമാക്കി പ്രഭാസിനെ നായകനാക്കി ഓം റൗട്ട് ഒരുക്കുന്ന ആദിപുരുഷ് 2023 ജനവരി 12 ന് പ്രദര്‍ശനത്തിനെത്തും. ചിത്രത്തിന്റെ ഫസ്റ്റ് ലുക്ക് പോസ്റ്റും ടീസറും ഒക്ടോബര്‍ രണ്ടിന് രാത്രി 7.11 ന് അയോധ്യയില്‍ സരയൂനദീത്തീരത്ത് നടക്കുന്ന ചടങ്ങില്‍ പുറത്തിറക്കും.
പ്രഭാസ് തന്നെയാണ് ഇക്കാര്യം സോഷ്യല്‍ മീഡിയ പേജിലൂടെ പ്രഖ്യാപിച്ചത്. ഇന്ത്യന്‍ ഇതിഹാസം പ്രമേയമാകുന്ന ചിത്രം ത്രിഡി രൂപത്തിലാണ് ഒരുക്കുന്നത്. ചിത്രത്തില്‍ ശ്രീരാമനായി എത്തുന്നത് പ്രഭാസാണ്. ചിത്രത്തില്‍ രാവണനായി വേഷമിടുന്നത് ബോളിവുഡ് താരം സെയ്ഫ് അലിഖാന്‍ ആണ്. കൃതി സനോനാണ് നായിക. നടന്‍ സണ്ണി സിംഗും ചിത്രത്തില്‍ പ്രധാന വേഷത്തില്‍ എത്തുന്നുണ്ട്.
ടി- സീരിയസ്, റെട്രോഫൈല്‍ ബാനറില്‍ ഭൂഷണ്‍ കുമാറും കൃഷ്ണകുമാറും ഓം റൗട്ടും ചേര്‍ന്നാണ് നിര്‍മ്മിക്കുന്നത്. സാഹോയ്ക്കും രാധേശ്യാമിനും ശേഷം ഭൂഷണ്‍ കുമാറുമായി ചേര്‍ന്നുള്ള പ്രഭാസിന്റെ മൂന്നാമത്തെ പ്രോജക്ടാണ്ആദിപുരുഷ്.ഇന്ത്യന്‍ സംസ്‌കാരത്തിന്റെ ഏറെ ജനപ്രീതിയുള്ള ഒരു അദ്ധ്യായത്തെ ആസ്പദമാക്കി ഒരുക്കുന്ന ചിത്രം ഹിന്ദിയിലും തെലുങ്കിലുമാണ് ചിത്രീകരിക്കുക. കൂടാതെ, തമിഴ്, മലയാളം മറ്റു വിദേശഭാഷകളിലേക്കും ചിത്രം മൊഴിമാറ്റം ചെയ്ത് പ്രദര്‍ശനത്തിനെത്തിക്കും. ഭുവന്‍ ഗൗഡയാണ് ചിത്രത്തിന്റെ ഛായാഗ്രാഹകന്‍.രവി ബസ്രുറാണ് സംഗീത സംവിധാനം നിര്‍വഹിക്കുന്നത്.
Recent Comments