സലാര്‍, കല്‍ക്കി 2898 AD എന്നിവയുടെ വമ്പന്‍ വിജയത്തിന് ശേഷം തെലുങ്ക് സൂപ്പര്‍താരം പ്രഭാസ് നായകനായി എത്തുന്ന ഏറ്റവും പുതിയ ചിത്രം ആരംഭിച്ചു. സീതാരാമം എന്ന ബ്ലോക്ക്ബസ്റ്റര്‍ ചിത്രത്തിന് ശേഷം ഹനു രാഘവപുടി രചിച്ചു സംവിധാനം ചെയ്യുന്ന വമ്പന്‍ ചിത്രം നിര്‍മ്മിക്കുന്നത് തെലുങ്കിലെ പ്രശസ്ത ബാനറായ മൈത്രി മൂവി മേക്കേഴ്സാണ്. പ്രഭാസും ഹനു രാഘവപുഡിയും മൈത്രി മൂവി മേക്കേഴ്സും ആദ്യമായി ഒന്നിക്കുന്ന ഈ ചിത്രത്തിന് താത്കാലികമായി നല്‍കിയിരിക്കുന്ന പേര് ‘പ്രഭാസ് ഹനു’ എന്നാണ്.
1940-കളുടെ പശ്ചാത്തലത്തില്‍ ഒരു യോദ്ധാവിന്റെ കഥ പറയുന്ന ബിഗ് ബഡ്ജറ്റ് ചരിത്ര ചിത്രമായാണ് പ്രഭാസ്- ഹനു ചിത്രം ഒരുക്കുന്നത്. പ്രഭാസിന്റെ നായികയായി ഇമാന്‍വി എത്തുന്ന ചിത്രത്തില്‍ മിഥുന്‍ ചക്രവര്‍ത്തിയും ജയപ്രദയും മറ്റു പ്രധാന കഥാപാത്രങ്ങളെ അവതരിപ്പിക്കുന്നു. ലോകോത്തര സാങ്കേതിക നിലവാരത്തില്‍ ഒരുങ്ങുന്ന ഈ ചിത്രത്തിന്റെ ഗംഭീര ലോഞ്ചിങ് ചടങ്ങില്‍ പ്രഭാസും നായികാ ഇമാന്‍വിയും ഉള്‍പ്പെടെ ചിത്രത്തിന്റെ അണിയറ പ്രവര്‍ത്തകര്‍ എല്ലാവരും പങ്കെടുത്തു.
നവീന്‍ യെര്‍നേനിയും വൈ രവിശങ്കറും ചേര്‍ന്ന് നിര്‍മ്മിക്കുന്ന ഈ ചിത്രത്തിന്റെ ഛായാഗ്രഹണം- സുദീപ് ചാറ്റര്‍ജി ഐ. എസ്. സി, സംഗീതം- വിശാല്‍ ചന്ദ്രശേഖര്‍, എഡിറ്റിംഗ്- കോട്ടഗിരി വെങ്കിടേശ്വര റാവു, പ്രൊഡക്ഷന്‍ ഡിസൈന്‍- രാമകൃഷ്ണ-മോണിക്ക, വസ്ത്രാലങ്കാരം- ശീതള്‍ ഇഖ്ബാല്‍ ശര്‍മ, ടി വിജയ് ഭാസ്‌കര്‍, വിഎഫ്എക്‌സ്- ആര്‍ സി കമല കണ്ണന്‍, പബ്ലിസിറ്റി ഡിസൈനര്‍മാര്‍- അനില്‍-ഭാനു, മാര്‍ക്കറ്റിംഗ്- ഫസ്റ്റ് ഷോ, പിആര്‍ഒ- ശബരി.
Recent Comments