ഹോംബാലെ ഫിലിംസിന്റെ ബ്രഹ്‌മാണ്ഡ ചിത്രം ‘സലാര്‍’ ഡിസംബര്‍ 22ന് ലോകമൊട്ടാകെ റിലീസ് ചെയ്യും. സലാറില്‍ തെന്നിന്ത്യന്‍ ആക്ഷന്‍ സൂപ്പര്‍സ്റ്റാര്‍ പ്രഭാസും മലയാളികളുടെ സ്വന്തം ഹിറ്റ് മേക്കര്‍ പൃഥ്വിരാജും ഒന്നിക്കുന്നതുകൊണ്ട് തന്നെ ഇന്ത്യയൊട്ടാകെ ചിത്രത്തിനായുള്ള കാത്തിരിപ്പിലാണ്. തൊട്ടതെല്ലാം പൊന്നാക്കുന്ന ബ്രാന്‍ഡ് നെയിം ആണ് മലയാളികള്‍ക്ക് പൃഥ്വിരാജ് സുകുമാരന്‍. താരത്തിന്റെ വ്യത്യസ്ത ഭാവത്തിലുള്ള സലാറിന്റെ പോസ്റ്റര്‍ ശ്രദ്ധ നേടിയിരുന്നു.
ഈ വര്‍ഷത്തെ ഏറെ പ്രതീക്ഷയോടെ കാത്തിരിക്കുന്ന ഇന്ത്യന്‍ ചിത്രങ്ങളിലൊന്നായ ‘സാലര്‍’ ഹിറ്റ് സംവിധായകന്‍ പ്രശാന്ത് നീല്‍ ആണ് സംവിധാനം ചെയ്തിരിക്കുന്നത്. കെജിഎഫിന് ശേഷം ഹോംബാലെ ഫിലിംസും പ്രശാന്ത് നീലും വീണ്ടും ഒന്നിക്കുകയാണ്. അത് കൊണ്ട് തന്നെ പ്രേക്ഷകരുടെ പ്രതീക്ഷയും വാനോളം ഉയര്‍ന്നിരിക്കുകയാണ്. കെജിഎഫ് സംവിധാനം ചെയ്ത ഏറ്റവും വലിയ ആക്ഷന്‍ സംവിധായകന്‍ പ്രശാന്ത് നീല്‍, ബാഹുബലിക്ക് ശേഷം ഈ കാലഘട്ടത്തിലെ എക്കാലത്തെയും വലിയ ചിത്രങ്ങളിലൊന്നായി കണക്കാക്കപ്പെട്ടേക്കാവുന്ന ഏറ്റവും വലിയ ആക്ഷന്‍ ചിത്രമായാണ് സലാര്‍ ഒരുക്കിയിരിക്കുന്നത്. ഈ വര്‍ഷത്തെ ഏറ്റവും വലിയ ഇന്ത്യന്‍ ചിത്രമായിരിക്കും സലാര്‍.
ആരാധകരുടെ കാത്തിരിപ്പിനുള്ള സമ്മാനമായി ഹോംബാലെ ഫിലിം ഹൗസില്‍ നിന്നുള്ള ചിത്രത്തിന്റെ ടീസര്‍ ജൂലൈ 6 ന് റിലീസ് ചെയ്തിരുന്നു. മികച്ച സ്വീകാര്യതയാണ് ടീസറിന് ലഭിച്ചത്. അത് എല്ലാ ഭാഷകള്‍ക്കും ഒരു ടീസറായിരുന്നു. സലാറില്‍ പ്രഭാസ് രണ്ട് കഥാപാത്രത്തെ അവതരിപ്പിക്കും എന്നും അതിലൊന്ന് നെഗറ്റീവ് കഥാപാത്രമാണെന്നും നേരത്തെ റിപ്പോര്‍ട്ടുകള്‍ എത്തിയിരുന്നു. അതേസമയം പൃഥ്വിരാജ് വില്ലന്‍ വേഷത്തിലായിരിക്കും എത്തുക എന്നും റിപ്പോര്‍ട്ടുകള്‍ ഉണ്ടായിരുന്നു. വരദരാജ മന്നാര്‍ എന്ന കഥാപാത്രത്തെയാണ് സലാറില്‍ പൃഥ്വിരാജ് അവതരിപ്പിക്കുന്നത്. മികച്ച കഥാപാത്രങ്ങളെ ആരാധകര്‍ക്ക് സമ്മാനിച്ച പൃഥ്വിരാജ് സുകുമാരന്റെ കരിയറിലെ മികച്ച ഒരു കഥാപാത്രമായിരിക്കും വരദരാജ മന്നാര്‍.
Recent Comments