അഞ്ചുവര്‍ഷത്തെ ഇടവേളയ്ക്ക് ശേഷം നടന്‍ വടിവേലു അഭിനയരംഗത്തേക്ക് തിരികെ എത്തുന്നു. ‘നായ് ശേഖര്‍ റിട്ടേണ്‍സ്’ എന്ന് പേരിട്ടിരിക്കുന്ന ചിത്രത്തില്‍ പ്രധാന വേഷത്തിലാണ് താരം അഭിനയിക്കുന്നത്. ലൈക്ക പ്രൊഡക്ഷന്‍സ് നിര്‍മ്മിക്കുന്ന ഈ ചിത്രം സുരാജ് ആണ് സംവിധാനം ചെയ്യുന്നത്. ചിത്രത്തിന്റെ പൂജ മാസങ്ങള്‍ക്ക് മുമ്പ് നടന്നിരുന്നു. പ്രഭുദേവയും ചിത്രത്തില്‍ വടിവേലുവിനൊപ്പം ഒരു പ്രധാന വേഷം ചെയ്യുന്നുവെന്ന് അറിയുന്നു.
അങ്ങനെയെങ്കില്‍ പതിമൂന്ന് വര്‍ഷത്തിന് ശേഷം പ്രഭുദേവയും വടിവേലുവും ഒന്നിക്കുന്ന ചിത്രമാകും നായ് ശേഖര്‍ റിട്ടേണ്‍സ്. 2009ല്‍ പ്രഭുദേവയുടെ സംവിധാനത്തില്‍ പുറത്തിറങ്ങിയ വിജയ് ചിത്രം ‘വില്ലി’യിരുന്നു ഇരുവരും ഏറ്റവും ഒടുവിലായി ഒന്നിച്ചത്.
നായ് ശേഖര്‍ റിട്ടേണ്‍സിനായി സംഗീത സംവിധായകന്‍ സന്തോഷ് നാരായണന്‍ ഒരുക്കുന്ന ഗാനങ്ങളിലൊന്ന് വടിവേലു ആലപിക്കുകയും ചെയ്യുന്നു. ഈ ഗാനത്തിന് കൊറിയോഗ്രാഫി ഒരുക്കുന്നതും പ്രഭുദേവ തന്നെയാണ്, ഈ ഗാനരംഗത്ത് വടിവേലുവിനൊപ്പം പ്രഭുദേവ ഒരു സ്‌പെഷ്യല്‍ അപ്പിയറന്‍സില്‍ എത്തുകയും ചെയ്യുന്നു.
വടിവേലു-പ്രഭുദേവ ഹിറ്റ് കോംബോ ഒരിക്കല്‍ കൂടി സ്‌ക്രീനില്‍ കാണുവാനായി ആകാംക്ഷയോടെ കാത്തിരിക്കുകയാണ് ആരാധകര്‍. സിനിമയുടെ ചിത്രീകരണം ഉടന്‍ ആരംഭിക്കും.
Recent Comments