പപ്പന്‍ ടി. നമ്പ്യാര്‍ സംവിധാനം ചെയ്യുന്ന ചിത്രമാണ് വയസ്സെത്രയായി മുപ്പത്തി. ചിത്രത്തിന്റെ ഷൂട്ടിംഗ് വടകരയില്‍ തുടങ്ങി.
മുപ്പത്തിയേഴു വയസ്സായിട്ടും വിവാഹം നടക്കാത്ത ബ്രിഗേഷ് എന്ന മുപ്പത്തിയേഴുകാരന്റെ ജീവിതത്തിലൂടെയാണ് ഈ ചിത്രം കടന്നു പോകുന്നത്. വിവാഹ കമ്പോളത്തിലെ അവിശുദ്ധ പ്രവണതകളെ തുറന്നു കാട്ടുകയാണ് ചിത്രം. പുതിയ തലമുറയിലെ ശ്രദ്ധേയനായ പ്രശാന്ത് മുരളിയാണ് നായകന്‍. മെറീനാ മൈക്കിള്‍, വൈഷ്ണവി എന്നിവരാണ് നായികമാര്‍. ഉണ്ണിരാജാ, അരിസ്റ്റോ സുരേഷ്, ജയശങ്കര്‍, അനൂപ് ചന്ദ്രന്‍, മഞ്ജു പത്രോസ്, രമ്യാ സുരേഷ്, ചിത്ര, കലാഭവന്‍ സരിഗ എന്നിവരും പ്രധാന വേഷങ്ങളിലെത്തുന്നു.
കഥ- ഷിജു യു.സി. തിരക്കഥ, സംഭാഷണം- ഫൈസല്‍ അബ്ദുള്ള, ഗാനങ്ങള്‍- കൈതപ്രം. സംഗീതം- ഷിബു സുകുമാരന്‍, ഛായാഗ്രഹണം- സമീര്‍ ജിബ്രാന്‍. എഡിറ്റിംഗ്- റിയാസ് ബദനി. മേക്കപ്പ്- ജിത്തു പയ്യന്നൂര്‍. കോസ്റ്റ്യും ഡിസൈനര്‍- ഇന്ദ്രന്‍സ് ജയന്‍. പ്രൊഡക്ഷന്‍ കണ്‍ട്രോളര്‍- പ്രേംകമാര്‍ പറമ്പത്ത്, പ്രൊഡക്ഷന്‍ ഡിസൈനര്‍- സുഗുണേഷ്‌കറ്റിയില്‍. പി.ആര്‍.ഒ വാഴൂര്‍ ജോസ്. ഫോട്ടോ- ജയപ്രകാശ് അതളൂര്‍.
വടകരയ്ക്ക് പുറമെ മാഹി, മൈസൂര്‍, തലശ്ശേരി എന്നിവിടങ്ങളാണ് ചിത്രത്തിന്റെ മറ്റ് ലൊക്കേഷനുകള്‍.
Recent Comments