പുതുമുഖതാരം റാണയെ നായകനാക്കി സംവിധായകന്‍ പ്രേം എസ്. തമിഴിലും മലയാളത്തിലും ഒരുക്കിയ മ്യൂസിക്കല്‍ ത്രില്ലര്‍ ‘ഏക് ലൗ യാ’ ഈ മാസം അവസാനം തിയേറ്ററിലെത്തും.
കന്നഡയിലെ പ്രമുഖ താരങ്ങളായ കിച്ചാസുദീപ്, ശിവരാജ്കുമാര്‍, പുനിത് രാജ്കുമാര്‍ തുടങ്ങിയ പ്രശസ്ത താരങ്ങളെ അണിനിരത്തി ഒട്ടേറെ ഹിറ്റ് ചിത്രങ്ങളൊരുക്കിയ സംവിധായകനാണ് പ്രേം എസ്. അദ്ദേഹത്തിന്റെ ഏറ്റവും പുതിയ ചിത്രമാണ് ഏക് ലൗ യാ. കേരളത്തിലും തമിഴ്‌നാട്ടിലും ചിത്രം വിതരണത്തിനെത്തിക്കുന്നത് ഫ്‌ളിക്‌സ് എന്റര്‍ടെയ്‌മെന്റാണ്.
പ്രണയമാണ് ചിത്രത്തിന്റെ മുഖ്യപ്രമേയമെങ്കിലും പ്രേക്ഷകരെ ത്രസിപ്പിക്കുന്ന സംഭവ വികാസങ്ങളിലൂടെയാണ് ചിത്രത്തിന്റെ കഥ വികസിക്കുന്നത്. സത്യസന്ധവും ആത്മാര്‍ത്ഥവുമായി പ്രണയിക്കുന്ന അമറിന്റെ ജീവിതകഥയാണിത്. അമറിന്റെ കാമുകി അവനെ ഉപേക്ഷിക്കുന്നതോടെ അവന്‍ മദ്യപാനിയായി, അവളോട് പ്രതികാരത്തിനൊരുങ്ങുന്നു. പിന്നീട് അത് ഒരു പകയായി മാറന്നു. ആ പകയുടെ കഥ മാത്രമല്ല ചിത്രം പറയുന്നത്. ബന്ധങ്ങളുടെ വിലയും ചിത്രം വരച്ചുകാട്ടുന്നു.
രണ്ട് നായികമാരാണ് ചിത്രത്തിലുള്ളത്. മനോഹരങ്ങളായ ഗാനങ്ങളും നൃത്തവും ചിത്രത്തിലുണ്ട്. യുവാക്കളെ ഹരം കൊള്ളിക്കുന്ന മുഹുര്‍ത്തങ്ങളും ചിത്രത്തിന്റെ മറ്റൊരു പുതുമയാണ്.
റാണയെ കൂടാതെ രചിത റാം, റീഷ്മ നാനയ്യ, ശശികുമാര്‍ ചരണ്‍ രാജ് തുടങ്ങിയവരും ചിത്രത്തില്‍ അഭിനയിക്കുന്നു്.
രക്ഷിതാസ് ഫിലിം ഫാക്ടറിയുടെ ബാനറില്‍ രക്ഷിത പ്രേമാണ് ചിത്രം നിര്‍മ്മിക്കുന്നത്. സംഗീതം അര്‍ജ്ജുന്‍ ജന്യ, ഛായാഗ്രഹണം മഹെന്‍ സിംഹ, എഡിറ്റര്‍ ശ്രീനിവാസ് പി. ബാബു, പി.ആര്‍.ഒ. പി.ആര്‍. സുമേരന്‍.
Recent Comments