പ്രധാനമന്ത്രിയും രാഷ്ട്രപതിയും പ്രതിപക്ഷ നേതാവും രാജ്യത്തിന് പുതുവത്സരാശംസകൾ നേർന്നു.

പ്രധാനമന്ത്രി നരേന്ദ്ര മോദി രാജ്യത്തിന് പുതുവത്സരാശംസകൾ നേർന്നു. ആഘോഷങ്ങളോടും പ്രാർത്ഥനകളോടും കൂടി രാജ്യം പുതുവർഷത്തിൻ്റെ വരവ് അടയാളപ്പെടുത്തുമ്പോൾ എല്ലാവർക്കും പുതിയ അവസരങ്ങൾക്കും വിജയത്തിനും സന്തോഷത്തിനും വേണ്ടിയുള്ള തൻ്റെ പ്രതീക്ഷകൾ അദ്ദേഹം പ്രകടിപ്പിച്ചു.

“2025 ആശംസകൾ! ഈ വർഷം എല്ലാവർക്കും പുതിയ അവസരങ്ങളും വിജയവും അനന്തമായ സന്തോഷവും നൽകട്ടെ. എല്ലാവർക്കും അത്ഭുതകരമായ ആരോഗ്യവും സമൃദ്ധിയും നൽകട്ടെ.” പ്രധാനമന്ത്രി മോദി എക്‌സിൽ കുറിച്ചു .

പടക്കങ്ങൾ, സംഗീതം, ആഹ്ലാദകരമായ ഒത്തുചേരലുകൾ എന്നിവയാൽ അടയാളപ്പെടുത്തി രാജ്യത്തുടനീളം ഊർജ്ജസ്വലമായ ആഘോഷങ്ങളോടും പ്രാർത്ഥനകളോടും കൂടിയാണ് പുതുവർഷത്തെ വരവേറ്റത്. മെട്രോ നഗരങ്ങളിലെ തെരുവുകളിൽ വലിയ തിരക്കാണ് അനുഭവപ്പെട്ടത്. കഴിഞ്ഞ ഒരു വർഷത്തോട് വിടപറയാനും പ്രതീക്ഷയോടെയും ആവേശത്തോടെയും പുതുവർഷത്തെ വരവേൽക്കാനും നിരവധി പേരാണ് ഒത്തുകൂടിയത്.

രാഷ്ട്രപതി ദ്രൗപതി മുർമു എല്ലാവർക്കും ഐക്യവും സമൃദ്ധിയും ആശംസിക്കുകയും രാജ്യത്തിൻ്റെ ശോഭനമായ ഭാവിക്കായി കൂട്ടായ പരിശ്രമങ്ങളെ അഭ്യർത്ഥിക്കുകയും ചെയ്തു. രാഷ്‌ട്രപതി ഇങ്ങനെ പറഞ്ഞു :

“എല്ലാവർക്കും പുതുവത്സരാശംസകൾ നേരുന്നു! 2025 എല്ലാവർക്കും സന്തോഷവും ഐക്യവും സമൃദ്ധിയും നൽകട്ടെ! ഈ അവസരത്തിൽ, ഇന്ത്യയ്ക്കും ലോകത്തിനും ശോഭനവും കൂടുതൽ ഉൾക്കൊള്ളുന്നതും സുസ്ഥിരവുമായ ഒരു ഭാവി സൃഷ്ടിക്കുന്നതിനായി ഒരുമിച്ച് പ്രവർത്തിക്കാനുള്ള പ്രതിബദ്ധത നമുക്ക് പുതുക്കാം. ”

കോൺഗ്രസ് നേതാവ് രാഹുൽ ഗാന്ധി തൻ്റെ പുതുവത്സര സന്ദേശത്തിൽ, വരും ദിവസങ്ങളിൽ പുതിയ ഉത്സാഹവും സന്തോഷവും പ്രതീക്ഷിക്കാമെന്ന് ആശംസിച്ചു.

“എല്ലാവർക്കും പുതുവത്സരാശംസകൾ. ഈ വർഷം നിങ്ങളുടെ ജീവിതത്തിൽ പുതിയ ഉത്സാഹവും പുതിയ സന്തോഷവും കൊണ്ടുവരുമെന്ന് ഞാൻ പ്രതീക്ഷിക്കുന്നു. എല്ലാവർക്കും പുതുവത്സരാശംസകൾ നേരുന്നു.” അദ്ദേഹം പറഞ്ഞു.

പുതിയ തുടക്കങ്ങളെ പ്രതീക്ഷയോടെ സ്വാഗതം ചെയ്യുന്നതിനെക്കുറിച്ച് സംസാരിക്കുന്ന കവി സോഹൻലാൽ ദ്വിവേദിയുടെ വരികൾ പ്രിയങ്ക ഗാന്ധി പങ്കിട്ടു.

“സ്വാഗതം! ജീവിതത്തിൻ്റെ പുതുവത്സരം. വരൂ, നമുക്ക് പുതിയ എന്തെങ്കിലും കെട്ടിപ്പടുക്കാം, വലിയ ഉണർവിൻ്റെ ഈ കാലഘട്ടത്തിൽ, ഉണർന്നിരിക്കുന്ന ജീവിതത്തിൽ അഭിമാനത്തോടെ,” എന്ന് പ്രിയങ്ക കവിയെ ഉദ്ധരിച്ചു.

ഉത്തർപ്രദേശ് മുഖ്യമന്ത്രി യോഗി ആദിത്യനാഥ്, കോൺഗ്രസ് അധ്യക്ഷൻ മല്ലികാർജുൻ ഖാർഗെ, പ്രതിരോധ മന്ത്രി രാജ്‌നാഥ് സിംഗ്, അമിത്ഷാ മറ്റ് നിരവധി മുഖ്യമന്ത്രിമാർ എന്നിവരുൾപ്പെടെയുള്ള മറ്റ് നേതാക്കളും ജനങ്ങൾക്ക് ആശംസകൾ അറിയിച്ചു.