തീയറ്ററുകളില്‍ ആക്ഷന്‍ വിരുന്ന് ഒരുക്കിയ പൃഥ്വിരാജ്-അമല്‍ നീരദ് ചിത്രം അന്‍വര്‍ റീ റിലീസിന് ഒരുങ്ങുന്നു. 2010ല്‍ തിയറ്ററുകളെ ഇളക്കിമറിച്ചുകൊണ്ട് പുറത്തിറങ്ങിയ സ്‌റ്റൈലിഷ് ആക്ഷന്‍ ചിത്രം ഡോള്‍ബി അറ്റ്‌മോസ് 4Kയിലാണ് പ്രേക്ഷകരെ ത്രസിപ്പിക്കുവാന്‍ വീണ്ടും എത്തുന്നത്. ഒക്ടോബര്‍ 18ന് പൃഥ്വിരാജിന്റെ ജന്മദിന വാരത്തിനോട് അനുബന്ധിച്ച് ആരാധകര്‍ക്ക് ആഘോഷമാക്കുവാന്‍ മലയാളം തമിഴ് എന്നീ രണ്ടു ഭാഷകളിലാണ് ചിത്രം പുറത്തിറങ്ങുക.
സെലിബ്‌സ് ആന്‍ഡ് റെഡ് കാര്‍പെറ്റിന്റെ ബാനറില്‍ രാജ് സക്കറിയാസ് നിര്‍മ്മിച്ച ചിത്രം മോളിവുഡ് ബോക്‌സ് ഓഫീസിലെ തന്നെ കളക്ഷന്‍ റെക്കോര്‍ഡുകള്‍ മാറ്റി കുറിച്ച ചിത്രമായിരുന്നു. യുവാക്കള്‍ക്കിടയിലും ക്യാമ്പസുകളിലും തരംഗമായ ‘ഖല്‍ബിലെ തീ’ എന്ന ഗാനവും, അമല്‍ നീരദിന്റെ കയ്യൊപ്പുള്ള സ്‌റ്റൈലിഷ് മേക്കിങും ചിത്രത്തിന്റെ പ്രധാന ഹൈലൈറ്റുകള്‍ ആണ്.
സാഹിത്യകാരനും തിരക്കഥാകൃത്തുമായ ഉണ്ണി ആറിനൊപ്പം അമല്‍ നീരദും ചേര്‍ന്നാണ് ചിത്രത്തിന്റെ തിരക്കഥ ഒരുക്കിയത്.പൃഥ്വിരാജ് സുകുമാരനൊപ്പം പ്രകാശ് രാജ്, ലാല്‍, മംമ്ത മോഹന്‍ദാസ്, അസിം ജമാല്‍, സമ്പത് രാജ്, ജിനു ജോസെഫ്, സുധീര്‍ കരമന, സായ് കുമാര്‍, ഗീത, നിത്യ മേനോന്‍, സലിം കുമാര്‍, ശ്രീജിത്ത് രവി എന്നിവരും മറ്റു പ്രധാന വേഷങ്ങളില്‍ എത്തുന്നു.
ഛായാഗ്രഹണം- സതീഷ് കുറുപ്പ്, സംഗീതം- ഗോപി സുന്ദര്‍, എഡിറ്റര്‍- വിവേക് ഹര്‍ഷന്‍, കലാസംവിധാനം- ജോസഫ് നെല്ലിക്കല്‍, സൗണ്ട് ഡിസൈന്‍- തപസ് നായക്, ആക്ഷന്‍- അനല്‍ അരശ്, വസ്ത്രാലങ്കാരം- പ്രവീണ്‍ വര്‍മ്മ, മേക്കപ്പ്- രഞ്ജിത്ത് അമ്പാടി, പ്രോക്ഷന്‍ കണ്‍ട്രോളര്‍- അനില്‍ മാത്യു, പിആര്‍ഒ- അരുണ്‍ പൂക്കാടന്‍, പ്രൊമോഷന്‍സ് -വിപിന്‍ പോഫാക്റ്റിയോ, ഡിസൈന്‍സ്- മില്‍ക്ക് വീഡ് എന്നിവരാണ് അണിയറയില്‍.
Recent Comments