കമ്മാരസംഭവത്തിനുശേഷം മുരളീഗോപിയുടെ തിരക്കഥയില്‍ രതീഷ് അമ്പാട്ട് സംവിധാനം ചെയ്യുന്ന ചിത്രമാണ് തീര്‍പ്പ്.
പൃഥ്വിരാജാണ് നായകന്‍. ഇഷ തല്‍വാറാണ് നായിക. ഇന്ദ്രജിത്ത് സുകുമാരന്‍, വിജയ് ബാബു, സൈജു കുറുപ്പ്, ഹന്നാ റെജി കോശി എന്നിവരും പ്രധാന വേഷങ്ങളില്‍ എത്തുന്നു.
വിധി തീര്‍പ്പിലും പക തീര്‍പ്പിലും ഒരുപോലെ കുടിയേറിയ ഇരുതലയുള്ള ആ ഒറ്റവാക്ക് എന്ന ടാഗ് ലൈനാണ് തീര്‍പ്പിന് നല്‍കിയിരിക്കുന്നത്.
ഫ്രൈഡേ ഫിലിംസിന്റെ ബാനറില്‍ വിജയ് ബാബുവാണ് ഈ ചിത്രം നിര്‍മ്മിക്കുന്നത്. മുരളിഗോപിയും രതീഷ് അമ്പാട്ടും നിര്‍മ്മാണ പങ്കാളികളാണ്. ഇതാദ്യമായി ഫ്രൈഡേ ഫിലിംസും സെല്ലിലോയ് മാര്‍ഗും കൈകോര്‍ക്കുന്നു.
ചിത്രത്തിന്റെ ഷൂട്ടിംഗ് ഫെബ്രുവരി ആദ്യം ആരംഭിക്കും. ഷിബു ജി. സുശീലനാണ് പ്രൊഡക്ഷൻ കൺട്രോളർ.
Recent Comments