സംഘട്ടന രംഗത്തിനിടെ നടന്‍ പൃഥ്വിരാജിന് പരിക്കേറ്റു. ഇടതു കാലിനാണ് പരിക്ക്. വിദഗ്ദ്ധ ചികിത്സയുമായി ബന്ധപ്പെട്ട് എറണാകുളം ലേക്ക് ഷോര്‍ ഹോസ്പിറ്റലിലാണ് പൃഥ്വിരാജ് ഇപ്പോള്‍ ഉള്ളത്.
ഇന്ന് ഉച്ചയോടെയായിരുന്നു അപകടം. ജയന്‍ നമ്പ്യാര്‍ സംവിധാനം ചെയ്യുന്ന വിലായത്ത് ബുദ്ധയുടെ ഷൂട്ടിംഗ് ലൊക്കേഷനില്‍വച്ചായിരുന്നു അപകടം. പൃഥ്വിരാജും അനുമോഹനുമടക്കമുള്ള ഒരു ഫൈറ്റ് രംഗം ചിത്രീകരിക്കുകയായിരുന്നു. മഹേഷായിരുന്നു ഫൈറ്റ് മാസ്റ്റര്‍. ഫൈറ്റിനിടെ രാജു കാല്‍മുട്ട് ഇടിച്ച് വീഴുകയായിരുന്നു. മറയൂരില്‍ ചികിത്സാസൗകര്യം കുറവായതിനാല്‍ നേരെ എറണാകുളത്തേയ്ക്ക് കൊണ്ടുവരികയായിരുന്നു. കുറച്ചുദിവസത്തേയ്ക്ക് വിശ്രമം വേണ്ടിവരുമെന്നാണ് ഡോക്ടര്‍മാര്‍ നിര്‍ദ്ദേശിച്ചിരിക്കുന്നത്.
Recent Comments