ജയജയജയ ജയഹേ എന്ന സൂപ്പര്‍ഹിറ്റ് ചിത്രത്തിനുശേഷം വിപിന്‍ദാസ് സംവിധാനം ചെയ്യുന്ന സിനിമയാണ് ഗുരുവായൂരമ്പലനടയില്‍. ചിത്രത്തിന്റെ തേര്‍ഡ് ഷെഡ്യൂള്‍ ഗുരുവായൂരില്‍ ആരംഭിച്ചു. പൃഥ്വിരാജും ബേസില്‍ ജോസഫുമാണ് കേന്ദ്രകഥാപാത്രങ്ങളെ അവതരിപ്പിക്കുന്നത്. ചിത്രത്തിന്റെ ആദ്യ ഷെഡ്യൂള്‍ ഗുരുവായൂരിലും സെക്കന്റ് ഷെഡ്യൂള്‍ ദുബായിലുമായി പൂര്‍ത്തിയാക്കിയിരുന്നു.
എമ്പുരാന്റെ ലൊക്കേഷന്‍ ഹണ്ടുമായി ബന്ധപ്പെട്ട് ലണ്ടനിലും അമേരിക്കയിലുമായി യാത്ര കഴിഞ്ഞ് പൃഥ്വി മടങ്ങിയെത്തിയത് നവംബര്‍ 22 നായിരുന്നു. 24-ാം തീയതി പൃഥ്വി പുതിയ ചിത്രത്തിന്റെ ലൊക്കേഷനില്‍ ജോയിന്‍ ചെയ്തു. പൃഥ്വിക്കൊപ്പം ജഗദീഷ്, രേഖ, നിഖില വിമല്‍, അനശ്വര രാജന്‍ എന്നിവരാണ് തേര്‍ഡ് ഷെഡ്യൂളിലെ പ്രധാന താരനിരക്കാര്‍. 15 ദിവസത്തെ ഷൂട്ടിംഗാണ് പ്ലാന്‍ ചെയ്തിരിക്കുന്നത്.
ചിത്രത്തിന്റെ നാലാം ഷെഡ്യൂള്‍ എറണാകുളത്ത് നടക്കും. ഡേറ്റ് ഫിക്‌സ് ചെയ്തിട്ടില്ല. കലാസംവിധായകന്‍ സുനിലിന്റെ നേതൃത്വത്തില്‍ ഗുരുവായൂര്‍ ക്ഷേത്രത്തിന്റെ സെറ്റ് എറണാകുളത്തെ ഒരു സ്റ്റുഡിയോ ഫ്‌ളോറില്‍ ഒരുങ്ങുകയാണ്. അവിടെയാണ് ഫോര്‍ത്ത് ഷെഡ്യൂള്‍ ആരംഭിക്കുന്നത്. ബേസില്‍ ജോസഫ് ഇനി ഫോര്‍ത്ത് ഷെഡ്യൂളിലാണ് ജോയിന്‍ ചെയ്യുന്നത്.
Recent Comments