കെ.ജി.എഫിന്റെ സംവിധായകന്‍ പ്രശാന്ത് നീല്‍ ഒരുക്കുന്ന സലാറില്‍ പൃഥ്വിരാജും ശക്തമായ കഥാപാത്രത്തെ അവതരിപ്പിക്കുന്നു. ചിത്രത്തിന്റെ ഷൂട്ടിംഗിനായി പൃഥ്വി ആഗസ്റ്റ് ആദ്യം ഹൈദരാബാദിലേയ്ക്ക് പോകും. ഇതിനുവേണ്ടി നിലവില്‍ ഷൂട്ടിംഗ് പുരോഗമിക്കുന്ന ഷാജികൈലാസ് ചിത്രം കാപ്പ ഷെഡ്യൂള്‍ ബ്രേക്ക് ചെയ്യും.
പ്രഭാസിനെ നായകനാക്കി പ്രശാന്ത് നീല്‍ സംവിധാനം ചെയ്യുന്ന ആക്ഷന്‍ ചിത്രമാണ് സലാര്‍. ശ്രുതി ഹാസനാണ് പ്രഭാസിന്റെ നായിക. ജഗപതി ബാബുവും ചിത്രത്തില്‍ അഭിനയിക്കുന്നു. ഈ താരനിരയിലേയ്ക്കാണ് പൃഥ്വിരാജും കടന്നെത്തുന്നത്. ഒരു പാന്‍ ഇന്ത്യന്‍ ആക്ടര്‍ എന്ന നിലയില്‍ പൃഥ്വിരാജിനുണ്ടായ വളര്‍ച്ച തന്നെയാണ് അദ്ദേഹത്തെ ഈ സിനിമയിലേയ്ക്ക് കാസ്റ്റ് ചെയ്യാനിടയാക്കിയതും. സലാറില്‍ പ്രതിനായകവേഷമാണ് പൃഥ്വിരാജ് ചെയ്യുന്നതെന്നറിയുന്നു. പൃഥ്വിരാജ് അഭിനയിക്കുന്ന രണ്ടാത്തെ തെലുങ്ക് ചിത്രമാണ് സലാര്‍. ശ്രീകാന്തിനോടൊപ്പം വേഷമിട്ട പോലീസ് പോലീസ് ആയിരുന്നു ഇതിനുമുമ്പ് പൃഥ്വി അഭിനയിച്ച തെലുങ്കുചിത്രം.
ഹോംബെയ്ല്‍ ഫിലിംസിന്റെ ബാനറില്‍ വിജയ് കിരഗണ്ടൂരാണ് ഈ ബ്രഹ്‌മാണ്ഡ ചലച്ചിത്രം നിര്‍മ്മിക്കുന്നത്. 2022 ലാണ് ചിത്രം പ്രദര്‍ശനത്തിനെത്തിക്കാന്‍ പ്ലാന്‍ ചെയ്തിരുന്നത്. കോവിഡ് പ്രതിസന്ധിയെത്തുടര്‍ന്ന് ഷൂട്ടിംഗ് അനന്തമായി നീണ്ടതോടെ 2023 ലേയ്ക്ക് സലാറിന്റെ പ്രദര്‍ശനം മാറ്റിവച്ചിട്ടുണ്ട്.
Recent Comments