ഷെയ്ന്‍ നിഗം, ഷൈന്‍ ടോം ചാക്കോ, ജീന്‍ പോള്‍ ലാല്‍ എന്നിവരെ കേന്ദ്രകഥാപാത്രങ്ങളാക്കി പ്രിയദര്‍ശന്‍ സംവിധാനം ചെയ്യുന്ന ചിത്രമാണ് കൊറോണ പേപ്പോഴ്‌സ്. ചിത്രം ഏപ്രിലില്‍ റിലീല് ചെയ്യാനിരിക്കെ സിനിമയുടെ ഫസ്റ്റ് ലുക്ക് പോസ്റ്റര്‍ റിലീസ് ചെയ്തു. ‘ഒപ്പ’ത്തിനുശേഷം പ്രിയദര്‍ശന്‍ ഒരുക്കുന്ന ത്രില്ലര്‍ ചിത്രംകൂടിയാണിത്. യുവതലമുറയ്‌ക്കൊപ്പമുള്ള പ്രിയന്റെ ആദ്യചിത്രവും.
ശ്രീഗണേശിന്റെ കഥയ്ക്ക് തിരക്കഥ എഴുതിയിരിക്കുന്നത് പ്രിയദര്‍ശനാണ്. പ്രിയന്‍ തന്നെയാണ് ചിത്രത്തിന്റെ നിര്‍മ്മാതാവും. എന്‍.എം. ബാദുഷയാണ് എക്‌സിക്യൂട്ടീവ് പ്രൊഡ്യൂസര്‍.
ഗായത്രിശങ്കറാണ് നായിക. സിദ്ധിഖ്, മണിയന്‍പിള്ള രാജു, പി.പി. കുഞ്ഞികൃഷ്ണന്‍, സന്ധ്യ ഷെട്ടി, ശ്രീധന്യ, ഹന്ന റെജി കോശി, വിജിലേഷ്, മേനകാ സുരേഷ്, ബിജു പപ്പന്‍, ശ്രീകാന്ത് മുരളി എന്നിവരാണ് ചിത്രത്തിലെ മറ്റ് അഭിനേതാക്കള്‍. ദിവാകര്‍ എസ്. മണി ഛായാഗ്രഹണം നിര്‍വ്വഹിക്കുന്ന ചിത്രത്തിന്റെ എഡിറ്റര്‍ എം.എസ്. അയ്യപ്പന്‍നായരാണ്. ഷാനവാസ് ഷാജഹാനും സജിയുമാണ് പ്രൊഡക്ഷന്‍ കോര്‍ഡിനേറ്റര്‍. കലാസംവിധാനം മനു ജഗത്ത്. പ്രൊഡക്ഷന്‍ കണ്‍ട്രോളര്‍ നന്ദു പൊതുവാള്‍. പി.ആര്‍.ഒ. ആതിര ദില്‍ജിത്ത്, പി. ശിവപ്രസാദ്.
Recent Comments