ബേസില്‍ ജോസഫിനെ നായകനാക്കി സംഗീത് പി. രാജന്‍ സംവിധാനം ചെയ്യുന്ന പാല്‍തു ജാന്‍വറിന്റെ ട്രെയിലര്‍ പുറത്തിറങ്ങി. ട്രെയിലര്‍ റിലീസ് ചെയ്ത് മണിക്കൂറുകള്‍ക്കകം ലക്ഷക്കണക്കിന് പ്രേക്ഷകരാണ് കണ്ടത്.
ഭാവന സ്റ്റുഡിയോസിന്റെ ബാനറില്‍ ഫഹദ് ഫാസില്‍, ദിലീഷ് പോത്തന്‍, ശ്യാം പുഷ്‌ക്കരന്‍ എന്നിവര്‍ ചേര്‍ന്നാണ് ചിത്രം നിര്‍മ്മിച്ചിരിക്കുന്നത്. ഹ്യൂമറും ത്രില്ലറും ചേര്‍ന്നൊരുക്കിയ ചിത്രം സെപ്തംബര്‍ 2 ന് ഓണചിത്രമായി തീയേറ്ററുകളില്‍ പ്രദര്‍ശനത്തിനെത്തും.
ഇന്ദ്രന്‍സ്, ജോണി ആന്റണി, ദിലീഷ് പോത്തന്‍, ഷമ്മി തിലകന്‍, ശ്രുതി സുരേഷ്, ഉണ്ണിമായ പ്രസാദ്, ജയകുറുപ്പ്, ആതിര ഹരികുമാര്‍, തങ്കം മോഹന്‍, കിരണ്‍ പീതാംബരന്‍, സിബി തോമസ്, ജോജി ജോണ്‍ തുടങ്ങിയവരാണ് മറ്റ് കഥാപാത്രങ്ങളെ അവതരിപ്പിക്കുന്നത്.
വിനോയ് തോമസും അനീഷ് അഞ്ജലിയും ചേര്‍ന്നാണ് ചിത്രത്തിന് തിരക്കഥ. രണദീവ് ഛായാഗ്രഹണം നിര്‍വ്വഹിച്ച ചിത്രത്തിന്റെ എഡിറ്റിംഗ് കിരണ്‍ദാസും കലാസംവിധാനം ഗോകുല്‍ദാസുമാണ്. സംഗീതം ജസ്റ്റിന്‍ വര്‍ഗീസ്, കോസ്റ്റ്യൂം മഷര്‍ ഹംസ, മേക്കപ്പ് റോണക്സ് സേവ്യര്‍. ജോസ് വിജയ് യും ബെന്നി കട്ടപ്പനയുമാണ് എക്സിക്യൂട്ടീവ് പ്രൊഡ്യൂസേഴ്സ്, രോഹിത് ചന്ദ്രശേഖര്‍ ചീഫ് അസോസിയേറ്റ് ഡയറക്ടറും ബിനു മണമ്പൂര്‍ പ്രൊഡക്ഷന്‍ കണ്‍ട്രോളറുമാണ്. ഭാവന റിലീസാണ് പാല്‍തു ജാന്‍വര്‍ പ്രദര്‍ശനത്തിനെത്തിക്കുന്നത്.
Recent Comments