അമിതാഭ് ബച്ചന്‍, കമല്‍ഹാസന്‍, പ്രഭാസ്, ദീപിക പദുകോണ്‍, ദിഷാ പതാനി തുടങ്ങിയ വമ്പന്‍ താരനിരകൊണ്ട് ശ്രദ്ധേയമായ ചിത്രമാണ് നാഗ് അശ്വിന്‍ സംവിധാനം ചെയ്യുന്ന പ്രോജക്ട് കെ. കാലിഫോര്‍ണിയായിലെ സാന്‍ ഡിയാഗോ കോമിക് കോണ്‍ ഇവന്റില്‍ പ്രദര്‍ശിപ്പിക്കുന്ന ആദ്യ ചിത്രമെന്ന ഖ്യാതിയും ചിത്രം ഇതിനോടകം സ്വന്തമാക്കിക്കഴിഞ്ഞു. വന്‍ പ്രതീക്ഷയോടെ പ്രേക്ഷകര്‍ കാത്തിരിക്കുന്ന ചിത്രംകൂടിയാണിത്. ഇതിനിടെ ദീപിക പദുകോണ്‍ അവതരിപ്പിക്കുന്ന കഥാപാത്രത്തിന്റെ ഫസ്റ്റ് ലുക്ക് പോസ്റ്റര്‍ അണിയറ പ്രവര്‍ത്തകര്‍ പുറത്തിറക്കി.
സയന്‍സ് ഫിക്ഷനും ഡ്രാമയും ഒത്തുചേരുന്നതാണ് നാഗ് അശ്വിന്റെ ഈ ചിത്രം. ടോളിവുഡിലെ ഏറ്റവും വലിയ പ്രൊഡക്ഷന്‍ കമ്പനിയായ വൈജയന്തി മൂവീസാണ് ചിത്രം നിര്‍മ്മിക്കുന്നത്. 2024 ജനുവരി 12 ന് ചിത്രം തീയേറ്ററുകളില്‍ പ്രദര്‍ശനത്തിനെത്തും.
Recent Comments