തീര്‍ത്തും അപ്രതീക്ഷിതമായിരുന്നു പുനീത് രാജ് കുമാറിന്റെ വിയോഗം. കഴിഞ്ഞദിവസം വര്‍ക്ക് ഔട്ട് കഴിഞ്ഞ് ജിമ്മില്‍ നിന്നും ഇറങ്ങിയതിന് പിന്നാലെയായിരുന്നു മരണം അദ്ദേഹത്തെ കവര്‍ന്നുകൊണ്ടുപോയത്. സിസിടിവി ഫൂട്ടേജില്‍നിന്നുള്ള ദൃശ്യങ്ങളില്‍നിന്ന് അത് വ്യക്തമാണ്. സ്ട്രെയര്‍കെയ്സിലിരുന്ന് ഷൂസിന്റെ ലേസ് കെട്ടുന്നതിനിടെ അസ്വസ്ഥത അനുഭവപ്പെടുകയും പെട്ടെന്നുതന്നെ താഴേയ്ക്ക് നിലംപതിക്കുകയുമായിരുന്നു. ഹോസ്പിറ്റലില്‍ എത്തിക്കുന്നതിനുമുമ്പേ മരണം സംഭവിച്ചതായി ഡോക്ടര്‍മാരും സ്ഥിരീകരിച്ചിരുന്നു.
ഇപ്പോള്‍ സോഷ്യല്‍മീഡിയയില്‍ വൈറലാകുന്നത് ഒരു ചടങ്ങില്‍ പുനീത് രാജ് കുമാര്‍ പാടുന്ന വീഡിയോയാണ്. സംഗീത സംവിധായകന്‍ ഗുരുകിരണിന്റെ ബര്‍ത്ത്ഡേ ഫംഗ്ഷനായിരുന്നു.
പുനീതിന് പുറമെ നടന്മാരായ ഗണേഷ്, ഉപേഷ്, നടി സുമലത തുടങ്ങിയവരും ആ ചടങ്ങില്‍ പങ്കെടുത്തിരുന്നു. ആ ആഘോഷരാവിനെ സംഗീതസാന്ദ്രമാക്കിയവരില്‍ ഒരാള്‍ പുനീതായിരുന്നു. മരണത്തിന് തലേദിവസം നടന്ന ഫംഗ്ഷനാണെന്നും വാര്‍ത്തകള്‍ പ്രചരിക്കുന്നുണ്ട്. അതുപക്ഷേ സ്ഥിരീകരിച്ചിട്ടില്ല. ആ ചടങ്ങില്‍വച്ചും അദ്ദേഹത്തിന് ദേഹാസ്വാസ്ഥ്യം ഉണ്ടായതായി പറയുന്നു. അതിന് തൊട്ടു പിന്നാലെ വീട്ടിലേയ്ക്ക് മടങ്ങി. പിറ്റേന്ന് രാവിലെ ജീമ്മിലേയ്ക്കും. അവിടെവച്ചാണ് മരണം സംഭവിക്കുന്നതും.
Recent Comments