കുറച്ചുമുമ്പാണ് ബാറ്റ്മിന്റണ്‍ താരവും ഒളിംബിക്‌സ് മെഡല്‍ ജേതാവുമായ പി.വി. സിന്ധു തന്റെ ഇന്‍സ്റ്റഗ്രാമില്‍ നടന്‍ മോഹന്‍ലാലിനോടൊപ്പമുള്ള ചിത്രം പോസ്റ്റ് ചെയ്തു. ‘തലക്കെട്ട് ആവശ്യമില്ല. ഇത് ആഹ്ലാദകരമായ കൂടിക്കാഴ്ച’ എന്ന അടിക്കുറിപ്പും ചേര്‍ത്തിട്ടുണ്ട്.
ബറോസിന്റെ ഷൂട്ടിംഗുമായി ബന്ധപ്പെട്ട ഗോവയിലാണ് മോഹന്‍ലാല്‍ ഇപ്പോഴുള്ളത്. എത്ര ഷൂട്ടിംഗ് തിരക്കുകള്‍ക്കിടയിലും തന്റെ വര്‍ക്കൗട്ട് അദ്ദേഹം ഒഴിവാക്കാറില്ല. ഗോവയിലെ ഹയാത്ത് ഹോട്ടലിലാണ് ലാല്‍ താമസിക്കുന്നത്. വിശാലമായ ജിം സൗകര്യങ്ങളും അവിടെയുണ്ട്. പതിവുപോലെ രാവിലെ വര്‍ക്കൗട്ടിന് പോയതായിരുന്നു ലാല്‍. അവിടെവച്ചാണ് സിന്ധുവിനെ കണ്ടത്. ഏതോ പരിപാടിയില്‍ പങ്കെടുക്കുന്നതിന്റെ ഭാഗമായി പി.വി. സിന്ധുവും ആ ഹോട്ടലിലാണ് താമസം. അവരും വര്‍ക്കൗട്ടിന് എത്തിയതായിരുന്നു. അവിടെവച്ചാണ് ഇരുവരും ചേര്‍ന്നുള്ള ഫോട്ടോ എടുത്തത്. ഉടന്‍തന്നെ ആ ചിത്രം പി.വി. സിന്ധു തന്റെ ഇന്‍സ്റ്റാഗ്രാമില്‍ പോസ്റ്റ് ചെയ്യുകയായിരുന്നു.
മെയ് 12 വരെ ബറോസിന്റെ ഷൂട്ടിംഗ് ഗോവയിലുണ്ടാവും. തുടര്‍ന്ന് പോര്‍ച്ചുഗലിലാണ് ഷൂട്ടിംഗ് പ്ലാന്‍ ചെയ്തിരിക്കുന്നത്.
Recent Comments