തന്റെ കാവ്യശീലുകള്‍കൊണ്ട് മലയാള ഗാനശാഖയെ സമ്പന്നമാക്കിയ ഗാനരചയിതാവാണ് കവികൂടിയായ റഫീഖ് അഹമ്മദ്. റഫീഖ് അഹമ്മദ് ആദ്യമായി ഒരു സിനിമയ്ക്കുവേണ്ടി തിരക്കഥ എഴുതുന്നു. റെജി പ്രഭാകറാണ് സംവിധായകന്‍. ചിത്രത്തിലെ നായകന്‍ ധ്യാന്‍ ശ്രീനിവാസനാണ്. ബന്ധങ്ങളുടെ കെട്ടുറപ്പിനെ ഏറെ സ്വാധീനിക്കുന്ന ജീവിതഗന്ധിയായ ഒരു കഥയുടെ ചലച്ചിത്ര ആവിഷ്‌ക്കരണമാണ് ചിത്രം. മലയോരഗ്രാമത്തിന്റെ പശ്ചാത്തലത്തിലാണ് കഥ പറയുന്നത്. ഇടുക്കിയും കട്ടപ്പനയുമാണ് പ്രധാന ലൊക്കേഷനുകള്‍.
ഏറെ അംഗീകാരങ്ങള്‍ നേടുകയും ചര്‍ച്ച ചെയ്യപ്പെടുകയും ചെയ്ത സുഖമായിരിക്കട്ടെ എന്ന ചിത്രത്തിന്റെ സംവിധായകനാണ് റെജി പ്രഭാകര്‍. താരങ്ങളെയും സാങ്കേതികപ്രവര്‍ത്തകരെയും വൈകാതെ പ്രഖ്യാപിക്കും. വാര്‍ത്തപ്രചരണം വാഴൂര്‍ ജോസ്.
Recent Comments