കോട്ടയത്തെ ഗാന്ധിനഗർ സ്‌കൂൾ ഓഫ് ഗവ. നഴ്‌സിങ് കോളജിൽ ജൂനിയര്‍ വിദ്യാര്‍ഥികളെ ക്രൂരമായ റാഗിങ്ങിനിരയാക്കിയ അഞ്ച് പേര്‍ സീനിയർ വിദ്യാർഥികൾ പോലീസ് കസ്‌റ്റഡിയിൽ. കോട്ടയം മൂന്നിലവ്‍ സ്വദേശി സാമുവൽ, വയനാട് നടവയൽ സ്വദേശി ജീവ, മലപ്പുറം മഞ്ചേരി സ്വദേശി റിജിൽ ജിത്ത്, മലപ്പുറം വണ്ടൂർ സ്വദേശി രാഹുൽ രാജ്, കോട്ടയം കോരുത്തോട് സ്വദേശി വിവേക് എന്നിവരെയാണ് പൊലീസ് കസ്‌റ്റഡിയിലെടുത്തത്. സീനിയർ വിദ്യാർഥികൾ ക്രൂരമായി റാഗിങ് നടത്തിയെന്ന ഒന്നാം വർഷ വിദ്യാർഥികളുടെ പരാതിയുടെ അടിസ്ഥാനത്തിലാണ് നടപടി.
മൂന്ന് മാസത്തോളം നീണ്ടുനിന്ന റാഗിങ്ങിനൊടുവിലാണ് ഒന്നാം വർഷ വിദ്യാർഥികൾ പരാതി നൽകിയത്. പരാതിയുടെ അടിസ്ഥാനത്തില്‍ കോട്ടയം ഗാന്ധിനഗർ പൊലീസ് കേസെടുക്കുകയായിരുന്നു. അതേസമയം ഒന്നാം വർഷ വിദ്യാർഥികളെ റാഗിങ് ചെയ്‌ത സംഭവത്തിൽ അഞ്ച് വിദ്യാർഥികളെ കോളജിൽ നിന്നും സസ്‌പെൻഡ് ചെയ്‌തിരുന്നു. ആൻ്റി റാഗിങ് നിയമപ്രകാരം അന്വേഷണം നടത്തിയ ശേഷമാണ് കോളജ് പ്രിൻസിപ്പാൾ നടപടി എടുത്തത്.
ഒന്നാം വർഷ വിദ്യാർഥികളെ മൂന്നാം വർഷ വിദ്യാർഥികൾ മൂന്ന് മാസത്തോളം റാഗ് ചെയ്തെന്നാണ് പരാതി. വിദ്യാർഥികളുടെ സ്വകാര്യ ഭാഗങ്ങളിൽ ഡംബൽ തൂക്കിയിട്ട് ഉപദ്രവിച്ചുവെന്നും കോമ്പസ് അടക്കമുള്ള ഉപകരണങ്ങൾ കൊണ്ട് മുറിവേൽപ്പിച്ചുവെന്നും പരാതിയിൽ പറയുന്നു.
Recent Comments