വിശ്വപ്രസിദ്ധമായ തൃശൂര്‍ പൂരത്തിന് ആശംസകള്‍ നേര്‍ന്നുകൊണ്ടുള്ള വീഡിയോ പങ്കുവച്ചിരിക്കുകയാണ് നടന്‍ റഹ്‌മാന്‍. ഗണ്‍പത്ത് എന്ന ഹിന്ദി ചിത്രത്തിന്റെ ഷൂട്ടിംഗുമായി ബന്ധപ്പെട്ട ലഡാക്കിലാണ് റഹ്‌മാന്‍ ഇപ്പോള്‍ ഉള്ളത്. ലഡാക്കിലെ മലനിരകളുടെ പശ്ചാത്തലത്തിലാണ് റഹ്‌മാന്‍ വീഡിയോ ഷൂട്ട് ചെയ്തിരിക്കുന്നത്. തൃശൂരിന് മാത്രമല്ല കേരളത്തിനാകെ അഭിമാനമാണ് തൃശൂര്‍പൂരം എന്ന് തന്റെ ആശംസാവീഡിയോയില്‍ റഹ്‌മാന്‍ പറയുന്നു.
റഹ്‌മാന്‍ ആദ്യമായി അഭിനയിക്കുന്ന ഹിന്ദി ചിത്രമാണ് ഗണ്‍പത്ത്. വികാസ് ബെഹലാണ് സംവിധായകന്‍. ടൈഗര്‍ ഷ്‌റോഫ്, കൃതി സനോന്‍ എന്നിവര്‍ താരനിരയിലുണ്ട്. അമിതാഭ് ബച്ചന്‍ ഇതിലൊരു അതിഥി വേഷം ചെയ്യുന്നു.
ദൈവാനുഗ്രഹമുണ്ടെങ്കില്‍ ഈ വര്‍ഷാവസാനം ചിത്രത്തിന്റെ റിലീസ് ഉണ്ടാകുമെന്ന് പറഞ്ഞുകൊണ്ടാണ് റഹ്‌മാന്‍ ആശംസാവീഡിയോ അവസാനിപ്പിക്കുന്നത്.
Recent Comments