ഒരു ഇടവേളയ്ക്കുശേഷം റഹ്മാന് മലയാളത്തിലും സജീവമാകുന്നു. നവാഗതനായ ചാള്‍സ് ജോസഫാണ് ചിത്രം സംവിധാനം ചെയ്യുന്നത്. യുവ താരങ്ങളായ ടൊവിനോ തോമസും സണ്ണി വെയിനും ചേര്‍ന്ന് ചിത്രത്തിന്റെ ടൈറ്റില്‍ തങ്ങളുടെ സോഷ്യല്‍ മീഡിയകളിലൂടെ പുറത്തുവിട്ടു.
കഥാപരമായും സാങ്കേതികപരമായും ഒട്ടേറെ സവിശേഷതകളുള്ള സിനിമയായിരിക്കും സമാറയെന്ന് സംവിധായകനായ ചാള്‍സ് ജോസഫ് അറിയിച്ചു. ഫോറന്‍സിക് ആധാരമായുള്ള ഒരു ഇന്‍വെസ്റ്റ്‌റിഗേഷന്‍ ത്രില്ലറാണ് ചിത്രത്തിന്റെ പ്രമേയം. ബഹുഭാഷാ ചിത്രമായിരിക്കും സമാറ. മൂത്തോന്‍ ഫെയിം സഞ്ജന ദീപു, രാഹുല്‍ മാധവ്, ബിനോജ് വില്ല്യ, വീര്‍ ആര്യന്‍, ശബരീഷ് വര്‍മ്മ, ബില്ലി, വിവിയ, നീത് ചൗധരി എന്നിവരെ കൂടാതെ ഭരതും മുഖ്യ കഥാപാത്രത്തെ അവതരിപ്പിക്കുന്നു.
ഛായാഗ്രഹണം സിനു സിദ്ധാര്‍ത്ഥ്, എഡിറ്റിംഗ് അയൂബ് ഖാന്‍, സംഗീത സംവിധാനം ദീപക് വാര്യര്‍, കലാ സംവിധാനം രഞ്ജിത്ത് കോത്താരി തുടങ്ങി പ്രഗത്ഭരായ സാങ്കേതിക വിദഗ്ധരാണ് ചിത്രത്തിന്റെ അണിയറയില്‍ പ്രവര്‍ത്തിക്കുന്നത്. പീക്കോക് ആര്‍ട്ട് ഹൗസിന്റെ ബാനറില്‍ എം.കെ സുഭാകരന്‍, അനുജ് വര്‍ഗീസ് വില്ല്യാടത്ത് എന്നിവര്‍ ചേര്‍ന്നു നിമ്മിക്കുന്ന പ്രഥമ ചിത്രം കൂടിയായ സമാറയുടെ ചിത്രീകരണം കശ്മീരില്‍ തുടങ്ങി.
Recent Comments