രാജീവ് പിള്ളയെ നായകനാക്കി സൂര്യന്‍ ജി തിരക്കഥയെഴുതി സംവിധാനം ചെയ്യുന്ന ചിത്രമാണ് ഡെക്സ്റ്റര്‍. ചിത്രത്തിന്റെ ടൈറ്റിലും മോഷന്‍ പോസ്റ്ററും റിലീസ് ചെയ്തു. മലയാളം പോസ്റ്റര്‍ വിനീത് ശ്രീനിവാസനും തമിഴ് പോസ്റ്റര്‍ വിഷ്ണു വിശാലുമാണ് പുറത്തുവിട്ടത്. തമിഴില്‍ നിര്‍മ്മിച്ചിരിക്കുന്ന ചിത്രം മലയാളത്തിലേക്കും മൊഴിമാറ്റം ചെയ്യുന്നുണ്ട്. സിനിമയുടെ ചിത്രീകരണം പൂര്‍ത്തിയായി. ജൂലൈയില്‍ പ്രദര്‍ശനത്തിനെത്തും.
പ്രശസ്ത മോഡലും ബോളിവുഡ് താരവുമായ യുക്ത പെര്‍വിയാണ് നായിക. ഹരീഷ് പേരടി, അഭിഷേക് ജോസഫ് ജോര്‍ജ്, അഷറഫ് ഗുരുക്കള്‍, സിതാര വിജയന്‍ എന്നിവരും പ്രധാന വേഷങ്ങളില്‍ എത്തുന്നു.
ത്രില്ലര്‍ ഗണത്തിലുള്ള ചിത്രത്തിന്റെ കഥ ഒരുക്കിയിരിക്കുന്നത് ശിവം ആണ്. ആദിത്യ ഗോവിന്ദരാജ് ഛായാഗ്രഹണവും ശ്രീനിവാസ് പി ബാബു ചിത്രസംയോജനവും നിര്‍വ്വഹിച്ചിരിക്കുന്നു. ജോ പോള്‍, മോഹന്‍ രാജന്‍ എന്നിവരുടെ വരികള്‍ക്ക് ശ്രീനാഥ് വിജയ് ആണ് ഈണം പകര്‍ന്നിരിക്കുന്നത്. ശ്വേത മോഹനും സത്യപ്രകാശുമാണ് ഗായകര്‍.
റാം എന്റര്‍ടൈനേര്‍സിന്റെ ബാനറില്‍ പ്രകാശ് എസ്.വിയാണ് ഡെക്സ്റ്റര്‍ നിര്‍മ്മിച്ചിരിക്കുന്നത്. പിആര്‍ഒ പി ശിവപ്രസാദ്.
Recent Comments