നടനും കാസ്റ്റിംഗ് ഡയറക്ടറുമായ രാജേഷ് മാധവന് ആദ്യമായി സംവിധാനം ചെയ്യുന്ന ‘പെണ്ണും പൊറാട്ടും’ എന്ന സിനിമയുടെ സ്വിച്ച് ഓണ്‍ കര്‍മ്മവും പൂജയും കൊല്ലങ്കോട് നടന്നു. എസ്.ടി.കെ ഫ്രെയിംസിന്റെ ബാനറില്‍ സന്തോഷ് ടി കുരുവിളയാണ് ചിത്രം നിര്‍മിക്കുന്നത്. ‘ന്നാ താന്‍ കേസ് കൊട്’ എന്ന സൂപ്പര്‍ ഹിറ്റ് ചിത്രത്തിനു ശേഷം എസ് ടി കെ ഫ്രെയിംസ് ഒരുക്കുന്ന ചിത്രത്തില്‍ ബിനു അലക്‌സാണ്ടര്‍ ജോര്‍ജ്, ഷെറിന്‍ റേച്ചല്‍ സന്തോഷ് എന്നിവരും നിര്‍മാണ പങ്കാളികളാകുന്നു.
പൂര്‍ണമായും പുതുമുഖങ്ങളെ അണിനിരത്തുന്ന ‘പെണ്ണും പൊറാട്ടും ‘സെമി ഫാന്റ്റസി ജോണറില്‍ ആണ് ഒരുങ്ങുന്നത്. റാണി പദ്മിനി, ഭീഷ്മ പര്‍വ്വം എന്നീ ചിത്രങ്ങള്‍ക്ക് ശേഷം രവിശങ്കര്‍ രചന നിര്‍വഹിക്കുന്ന ചിത്രമാണിത്.
കോ പ്രൊഡ്യൂസേഴ്‌സ് – ബിനു അലക്‌സാണ്ടര്‍ ജോര്‍ജ്, ഷെറിന്‍ റെയ്ചെല്‍ സന്തോഷ്. കഥ രവി ശങ്കര്‍, ക്യാമറ സബിന്‍ ഉറളികണ്ടി, സംഗീതം ഡോണ്‍ വിന്‍സെന്റ്, എഡിറ്റര്‍ ചമന്‍ ചാക്കോ, ആര്‍ട്ട് രാഖില്‍, സൗണ്ട് ഡിസൈന്‍ ശ്രീജിത്ത് ശ്രീനിവാസന്‍, മേക്കപ്പ് റോണെക്‌സ് സേവ്യര്‍, കോസ്റ്റ്യൂം വിശാഖ് സനല്‍കുമാര്‍ & ഡിനോ ഡേവിസ്, അസോസിയേറ്റ് ഡയറക്ടര്‍ ഷെല്ലി ശ്രീസ്, പ്രൊഡക്ഷന്‍ എക്‌സിക്യൂട്ടീവ് രാംജിത് പ്രഭാത്, പോസ്റ്റര്‍ ഡിസൈനര്‍ സര്‍കാസനം, ക്യാമറ അസോസിയേറ്റ് വൈശാഖ് സുഗുണന്‍, ഫിനാന്‍സ് കണ്‍ട്രോളര്‍ ജോബിഷ് ആന്റണി, ബെന്നി കട്ടപ്പന, മെല്‍വി ജെ, അരുണ്‍ സി തമ്പി എന്നിവരും ചിത്രത്തിന്റെ ഭാഗമായി പ്രവര്‍ത്തിക്കുന്നു. പിആര്‍ഒ മഞ്ജു ഗോപിനാഥ്.
ചിത്രത്തിന്റെ ഷൂട്ടിംഗ് കൊല്ലങ്കോടും പരിസരപ്രദേശങ്ങളിലുമായി പുരോഗമിക്കുന്നു.
Recent Comments