രജനികാന്തിനെ നായകനാക്കി ടി.ജെ. ജ്ഞാനവേല്‍ സംവിധാനം ചെയ്യുന്ന വേട്ടയ്യന്റെ ചിത്രീകരണം പുരോഗമിക്കുകയാണ്. ഇപ്പോഴിതാ വേട്ടയ്യന്റെ ലൊക്കേഷന്‍ ചിത്രങ്ങള്‍ സമൂഹ മാധ്യമങ്ങളിലൂടെ പ്രചരിക്കുകയാണ്. ഷൂട്ടിംഗ് ലൊക്കേഷനില്‍നിന്നുള്ള ചിത്രങ്ങളില്‍ രജനികാന്തിനെയും ഫഹദ് ഫാസിലിനെയും കാണാം. തൂത്തുക്കുടിയിലാണ് ചിത്രത്തിന്റെ ഷൂട്ടിംഗ് എന്നാണ് റിപ്പോര്‍ട്ടുകള്‍.
സൂര്യ അഭിനയിച്ച ജയ് ഭീം എന്ന ചിത്രത്തിന്റെ വിജയത്തിനുശേഷം ജ്ഞാനവേല്‍ ഒരുക്കുന്ന ബിഗ് ബജറ്റ് ആക്ഷന്‍ എന്റര്‍ടൈനറാണ് വേട്ടയ്യന്‍. റിട്ടേര്‍ഡ് പോലീസ് ഓഫീസറുടെ രജനി ചിത്രത്തില്‍ അവതരിപ്പിക്കുന്നത്.
അമിതാഭ് ബച്ചന്‍, ഫഹദ് ഫാസില്‍, റാണ ദഗുപതി, മഞ്ജുവാര്യര്‍, റിതികാസിംഗ്, ദുഷാര വിജയന്‍ എന്നിവരും അഭിനയിക്കുന്നു. ലൈക്ക പ്രൊഡക്ഷന്‍സാണ് രജനികാന്തിന്റെ 170-ാമത്തെ ചിത്രമായ വേട്ടയ്യന്‍ നിര്‍മ്മിക്കുന്നത്.
അനിരുദ്ധ് രവിചന്ദ്രര്‍ സംഗീതവും എസ്.ആര്. കതിര്‍ ഛായാഗ്രഹവും നിര്‍വ്വഹിക്കുന്ന ചിത്രത്തിന്റെ എഡിറ്റിംഗ് ഫിലോമിന്‍ രാജാണ്. 32 വര്‍ഷത്തിനുശേഷം അമിതാഭ് ബച്ചനൊപ്പം രജിനി ഒരുമിക്കുന്ന ചിത്രം കൂടിയാണിത്. 1991 ല്‍ റിലീസ് ചെയ്ത ഹം എന്ന ചിത്രത്തിലാണ് ഇരുവരും ഒടുവിലായി ഒരുമിച്ചത്.
Recent Comments