നെല്സണ് ദിലീപ് കുമാറിന്റെ സംവിധാനത്തില്‍ രജനികാന്ത് നായകനാകുന്ന ഏറ്റവും പുതിയ ചിത്രത്തിന്റെ ടൈറ്റില്‍ ലുക്ക് പോസ്റ്റര്‍ പുറത്ത് വന്നിരിക്കുയാണ്. ചിത്രത്തിന് ‘ജയ്‌ലര്‍’ എന്നാണ് പേരിട്ടിരിക്കുന്നത്. സൂപ്പര്‍ താരത്തിന്റെ 169-ാം ചിത്രം കൂടിയായ ജയ്‌ലറില്‍ ഐശ്വര്യറായി നായികയായി എത്തുന്നു. ശങ്കര്‍ സംവിധാനം ചെയ്ത എന്തിരന്‍ എന്ന ചിത്രത്തിലായിരുന്നു ഐശ്വര്യ റായിയും രജനീകാന്തും ഏറ്റവും ഒടുവില്‍ ഒന്നിച്ചത്.
നെല്സണ് അവസാനമായി സംവിധാനം ചെയ്ത വിജയ് ചിത്രമായ ബീസ്റ്റിന് ഏറെ വിമര്‍ശനങ്ങള്‍ നേരിടേണ്ടി വന്നിരുന്നു. വിജയ് ആരാധകര്‍പോലും ചിത്രത്തെ സമൂഹമാധ്യമങ്ങളിലൂടെ ഏറെ വിമര്‍ശിക്കുകയും ചെയ്തു. ബിസ്റ്റ് റിലീസ് ചെയ്യുന്നതിന് മുന്നേതന്നെ അനൗണ്‍സ് ചെയ്തിരുന്ന ചിത്രമായിരുന്നു രജനിയുടെ ജയ്‌ലര്‍. എന്നാല്‍ ബീസ്റ്റ് നേരിട്ട പരാജയം രജനിയെ മാറി ചിന്തിപ്പിക്കുന്നു എന്ന വാര്‍ത്തയും ചലച്ചിത്രമേഖലയില്‍ ഉയര്‍ന്നുവന്നിരുന്നു. നെല്സണ് പകരം മറ്റൊരു സംവിധായകനായിരിക്കാം രജനിയുടെ അടുത്ത ചിത്രം സംവിധാനം ചെയ്യുന്നതെന്നും വാര്‍ത്തകളുണ്ടായിരുന്നു. പക്ഷേ ആ തെറ്റിദ്ധാരണകളൊക്കെ നീക്കി അനൗണ്‍സ് ചെയ്തതുപോലെതന്നെ രജനിയും നെല്‍സണും ഒന്നിക്കുകയാണ് ജയ്‌ലര്‍ എന്ന ചിത്രത്തിലൂടെ.
#Thalaivar169 is #Jailer@rajinikanth @Nelsondilpkumar @anirudhofficial pic.twitter.com/tEtqJrvE1c
— Sun Pictures (@sunpictures) June 17, 2022
സണ്‍ പിക്‌ച്ചേഴ്‌സിന്റെ ബാനറില്‍ കലാനിധി മാരനാണ് ജയ്‌ലര്‍ നിര്‍മ്മിക്കുന്നത്. അനിരുദ്ധ് രവിചന്ദര്‍ സംഗീതം ഒരുക്കുന്ന ചിത്രത്തില്‍ നെല്സണ് തന്നെയാണ് രചന നിര്‍വഹിക്കുന്നത്.
ശിവകാര്‍ത്തികേയന്‍, പ്രിയങ്ക മോഹന്‍, രമ്യ കൃഷ്ണന്‍ എന്നിവരും ചിത്രത്തില്‍ മറ്റ് കഥാപാത്രങ്ങളെ അവതരിപ്പിക്കുന്നത്. കന്നട സൂപ്പര്‍സ്റ്റാര്‍ ശിവ രാജ് കുമാറായിരിക്കും ചിത്രത്തില്‍ വില്ലനായി എത്തുക.
Recent Comments