രജനികാന്തിനെ കേന്ദ്രകഥാപാത്രമാക്കി ടിജെ ജ്ഞാനവേല്‍ സംവിധാനം ചെയ്ത ചിത്രമാണ് വേട്ടയ്യന്‍. ഒക്ടോബര്‍ 10 ന് തീയേറ്ററുകളിലെത്തിയ ചിത്രം പ്രതീക്ഷിച്ചതുപോലെ ബോക്‌സ് ഓഫീസ് വിജയം നേടിയില്ല. ഇപ്പോഴിതാ ചിത്രത്തിന്റെ ഒടിടി റിലീസുമായി ബന്ധപ്പെട്ട വാര്‍ത്തകളാണ് പുറത്തുവരുന്നത്. നവംബര്‍ ഏഴ് മുതല്‍ ചിത്രം ആമസോണ്‍ പ്രൈം വിഡിയോയില്‍ സ്ട്രീമിംഗ് ആരംഭിക്കുമെന്നാണ് അറിയുന്നത്. എന്നാല്‍ ഔദ്യോഗിക പ്രഖ്യാപനം ഇതുവരെയുണ്ടായിട്ടില്ല.
അമിതാഭ് ബച്ചന്‍, മഞ്ജുവാര്യര്‍, ഫഹദ് ഫാസില്‍, റാണ എന്നിങ്ങനെ വന്‍ താരനിരയാണ് ചിത്രത്തില്‍ അണിനിരന്നത്. ലൈക്ക പ്രൊഡക്ഷന്‍സിന്റെ ബാനറില്‍ സുഭാസ്‌കരന്‍ അല്ലിരാജ നിര്‍മ്മിച്ച ചിത്രം കേരളത്തില്‍ എത്തിച്ചത് ശ്രീഗോകുലം മൂവീസാണ്.
ഏകദേശം 300 കോടി രൂപ ബജറ്റിലൊരുങ്ങിയ ചിത്രത്തിന് 235.25 കോടി രൂപ മാത്രമാണ് ബോക്‌സ് ഓഫീസില്‍നിന്ന് നേടാനായത്. സാക്‌നില്‍ക് റിപ്പോര്‍ട്ട് പ്രകാരം ഇന്ത്യയില്‍നിന്ന് നേടിയ ഗ്രോസ് കളക്ഷന്‍ 157.25 കോടിയാണ്. ഓവര്‍സീസില്‍നിന്ന് 78 കോടിയുമാണ് നേടിയിരിക്കുന്നത്. മുടക്കുമുതല്‍ ഇതുവരെ തിരികെ ലഭിച്ചിട്ടില്ല.
അനിരുദ്ധ് രവിചന്ദറാണ് ചിത്രത്തിന്റെ സംഗീതം ചിട്ടപ്പെടുത്തിയിരിക്കുന്നത്. എസ്.ആര്. കതിര്‍ ആണ് വേട്ടയ്യന്റെ ഛായാഗ്രഹണം നിര്‍വ്വഹിച്ചിരിക്കുന്നത്. അന്‍പറിവ് ആണ് സംഘട്ടനം ഒരുക്കിയിരിക്കുന്നത്.
Recent Comments