‘കഴിഞ്ഞ കുറേ ദിവസങ്ങളായി ലാല്‍സാറിനോടൊപ്പം ജയ്‌സാല്‍മീറില്‍ ഞാനുമുണ്ട്. ജയ്‌സാല്‍മീറില്‍ മാത്രമല്ല ലണ്ടന്‍, മൊറാക്കോ, ദുബായ് ഇവിടെയെല്ലാം അദ്ദേഹത്തിന്റെ ഫിസിക്കല്‍ ട്രെയിനറായി ഒപ്പമുണ്ടായിരുന്നു. കഴിഞ്ഞ മൂന്ന് മാസങ്ങളിലായി കഠിനായ വര്‍ക്ക് ഔട്ടിലാണ് അദ്ദേഹം. പ്രധാനമായും മലൈക്കോട്ടൈ വാലിബനില്‍ അദ്ദേഹം ചെയ്യുന്ന കഥാപാത്രത്തിന് വേണ്ടിയാണ്. വളരെ ഫിസിക്കല്‍ ഫിറ്റ്‌നസ് വേണ്ട കഥാപാത്രമാണത്.’
‘കഠിനമായ വര്‍ക്ക് ഔട്ട് ലാല്‍സാര്‍ നടത്തുന്നുണ്ട്. ഒപ്പം ഡയറ്റിംഗും. അതിന് ഫലവുമുണ്ടായി. ഇതിനിടെയാണ് ജയിലര്‍ എന്ന സിനിമയുടെ ഷൂട്ടിംഗുമായി ബന്ധപ്പെട്ട് രജനികാന്ത് സാറും ജയ്‌സാല്‍മീറില്‍ എത്തുന്നത്. ലാല്‍സാര്‍ താമസിച്ചിരുന്ന ഹോട്ടലിലാണ് രജനിസാറും തങ്ങിയത്. ഒന്നുരണ്ട് പേഴ്‌സണല്‍ മീറ്റിംഗുകള്‍ അദ്ദേഹവുമായി ലാല്‍സാറിനുണ്ടായിരുന്നു. ലാല്‍സാറിനെ കാണുമ്പോഴെല്ലാം രജനി സാര്‍ ആവേശത്തോടെ തിരക്കിയത് അദ്ദേഹത്തിന്റെ വര്‍ക്ക് ഔട്ടിനെക്കുറിച്ചായിരുന്നു. ആരോഗ്യം സൂക്ഷിക്കുന്നതിനെക്കുറിച്ചും വാതോരാതെ സംസാരിച്ചു. നിരവധി അഭിനേതാക്കളെ ഞാന്‍ ഇതിനുമുമ്പും കണ്ടിട്ടുണ്ട്. ഇത്ര എനര്‍ജി പ്രസന്‍സുള്ള ഒരു അഭിനേതാവിനെ കാണുന്നത് ഇതാദ്യമാണ്.’ ഡോ. ജയ്‌സണ്‍ കാന്‍ ചാനലിനോട് പറഞ്ഞു.
മോഹന്‍ലാലിന്റെ പേഴ്‌സണല്‍ ഫിലിക്കല്‍ ട്രെയിനറാണ് കഴിഞ്ഞ ഇരുപത്തിയഞ്ച് വര്‍ഷത്തിലേറെയായി ഡോ. ജയ്‌സണ്‍.
ജയിലറില്‍ ഒരു അതിഥിവേഷത്തില്‍ മോഹന്‍ലാല്‍ അഭിനയിക്കുന്നുണ്ട്. ഹൈദരാബാദില്‍വച്ചായിരുന്നു അതിന്റെ ഷൂട്ടിംഗ്. അത് പൂര്‍ത്തിയാക്കി മടങ്ങി എത്തിയതിന് പിന്നാലെയാണ് ജയ്‌സാല്‍മീറില്‍വച്ച് ഇവരുടെ കൂടിക്കാഴ്ച നടന്നത്.
Recent Comments