സന്തോഷ് മണ്ടൂര്‍ തിരക്കഥയെഴുതി സംവിധാനം ചെയ്യുന്ന ചിത്രമാണ് ബുള്ളറ്റ് ഡയറീസ്. ചിത്രീകരണം പൂര്‍ത്തിയായ ബുള്ളറ്റ് ഡയറീസ് ഡിസംബര്‍ 1 ന് തീയേറ്ററുകളില്‍ പ്രദര്‍ശനത്തിനെത്തും.
കണ്ണൂരിലെ മലയോര മേഖലയുടെ പശ്ചാത്തലത്തില്‍, ബൈക്ക് പ്രേമിയായ ഒരു യുവാവിന്റെ കഥ പറയുന്ന ചിത്രമാണ് ബുള്ളറ്റ് ഡയറീസ്. കേന്ദ്ര കഥാപാത്രമായ രാജു ജോസഫിനെ ധ്യാന്‍ ശ്രീനിവാസന്‍ അവതരിപ്പിക്കുന്നു. പ്രയാഗാ മാര്‍ട്ടിനാണ് നായിക. രഞ്ജി പണിക്കര്‍, ജോണി ആന്റണി, സുധീര്‍ കരമന, സന്തോഷ് കീഴാറ്റൂര്‍, അല്‍ത്താഫ് സലിം, ശ്രീകാന്ത് മുരളി, കോട്ടയം പ്രദീപ്, ശ്രീലക്ഷ്മി, മനോഹരി, നിഷാ സാരംഗ്, സേതുലക്ഷ്മി എന്നിവരാണ് മറ്റ് പ്രധാന കഥാപാത്രങ്ങളെ അവതരിപ്പിക്കുന്നത്.
‘പ്രണയവും ആക്ഷനും ത്രില്ലറുമൊക്കെ കോര്‍ത്തിണക്കിക്കൊണ്ടുള്ള ക്ലീന്‍ എന്റര്‍ടെയിനറാണ് ചിത്ര’മെന്ന് സംവിധായകന്‍ സന്തോഷ് മണ്ടൂര്‍ പറയുന്നു. കൈതപ്രം, റഫീക്ക് അഹമ്മദ് എന്നിവരുടെ വരികള്‍ക്ക് ഷാന്‍ റഹ്‌മാന്‍ ഈണം പകര്‍ന്ന മനോഹരമായ ഗാനങ്ങളും ബുള്ളറ്റ് ഡയറീസിന്റെ ഹൈലൈറ്റാണ്.
B3M ക്രിയേഷന്‍സിന്റെ ബാനറിലാണ് ചിത്രം നിര്‍മ്മിക്കുന്നത്. ഫൈസല്‍ അലി ഛായാഗ്രഹണം നിര്‍വ്വഹിക്കുന്ന ചിത്രത്തിന്റെ എഡിറ്റര്‍ രഞ്ജന്‍ എബ്രഹാമാണ്. പി.ആര്‍.ഒ. വാഴൂര്‍ ജോസ്.
Recent Comments